5 անսպասելի գործոն, որոնք կնպաստեն ձեր կյանքի երկարատեւությանը
Հավանաբար շատ եք լսել այն մասին, որ ծխելուց եւ այլ վնասակար սովորություններից հրաժարվելը, ֆիզիկական ակտիվությունը եւ առողջ սննդակարգը կարող են զգալիորեն ավելացնել ձեր կյանքի տեւողությունը: Սակայն կան նաեւ այլ, ոչ պակաս հայտնի գործոններ, որոնք դրական կազդեն ձեր ֆիզիկական եւ հոգեկան առողջության վիճակի վրա:
Ընթերցանություն
Պարզվել է, որ գիրք ընթերցելը ոչ միայն բարձրացնում է ինտելեկտի մակարդակը, այլեւ մեծացնում է կյանքի տեւողությունը: Գիտնականներից ոմանց խոսքով՝ ընթերցանության սիրահարների շրջանում վաղաժամ մահվան հավանականությունը 20 տոկոսով ցածր է: Այլ գիտնականներ պնդում են, որ գրքամոլները կարող են միջինում 23 ամիս ավելի երկար ապրել, քան նրանք, ովքեր գիրք չեն ընթերցում:
Պղպեղ օգտագործել
Տարածված կարծիքի համաձայն՝ չիլի կարմիր պղպեղի մեծ քանակով օգտագործումը կյանքի տեւողությունը կարող է ավելացնել: Վերջերս կատարված հետազոտություններից մեկի համաձայն՝ կծու պղպեղի օգտագործումը իր երկրպագուների շրջանում մահացությունը նվազեցնում է ամբողջ 13 տոկոսով: Բնականաբար, պղպեղն իրենց սննդակարգում կարող են ներառել միայն նրանք, ովքեր դրա համար լուրջ հակացուցումներ չունեն:
Այլ մարդկանց օգնություն ցուցաբերել
Մարդիկ, ովքեր շատ ժամանակ եւ ուժեր են տրամադրում այլ մարդկանց օգնելու համար, ավելի երկար են ապրում, եթե հավատանք 2012 թվականին կատարված հետազոտության արդյունքներին: Հետազոտության հեղինակները պարզել են, որ կարիքավոր մարդկանց օգնելու համար կամավորական շատ աշխատանքներ կատարողները իրենց տարեկիցներից միջինում ավելի երկար են ապրում: Սակայն նույն հետազոտությամբ նաեւ պարզվել է, որ եթե կամավորական աշխատանքը կատարվում է շահադիտական պատճառներով, մահվան հավանականությունը չի նվազում: Իհարկե, դեռեւս հայտնի չէ, թե ինչու եւ ինչպես է կամավորական անշահախնդիր աշխատանքն ազդում կյանքի տեւողության վրա:
Ընկերներ
2010 թվականին Հարվարդի համալսարանի հետազոտողները պարզել են, որ ընկերները տառացիորեն փրկում են մեր կյանքը: Այլ մարդկանց հետ էմոցիոնալ կապը մարդու կյանքի տեւողությունը երկարացնում է՝ այն մարդկանց համեմատությամբ, ովքեր մենակության եւ մեկուսացման մեջ են ապրում:
Սոված մնալ
Հետազոտությունների համաձայն՝ մեր նախնիների սոված մնալու ռեժիմը կրկնող դիետան իմունային համակարգը երիտասարդացնում է, նվազեցնում քաղցկեղով հիվանդացածությունը, բարելավում մտավոր գործունեությունը եւ նվազեցնում տարիքային հիվանդությունների արտահայտվածությունը: Այդ պատճառով երբեմն սոված մնալը կամ օգտագործվող կալորիաների քանակի կտրուկ պակասեցումը վատ գաղափար չէ, եթե դա, իհարկե, ձեզ հակացուցված չէ:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները