Մեծ Բրիտանիան արտահանման արգելք է սահմանել, որ կանխի հայտնի նկարչի 10 մլն ֆունտ արժողության նկարի դուրսբերումը

Մեծ Բրիտանիան արտահանման ժամանակավոր արգելք է սահմանել 19-րդ դարի հայտնի բրիտանացի նկարիչ Ուիլյամ Թըրների 10 մլն ֆունտ սթերլինգ արժողությամբ «Լյուցեռն լիճը» նկարի դուրսբերումը կանխելու համար, հայտնում է BBC News-ը:

Մեծ Բրիտանիայի արվեստի նախարար Ռեբեկա Փոուն հայտարարել է, որ բրիտանական այս գլուխգործոցի դուրսբերումը «ամբողջ երկրի համար սարսափելի կորուստ» կլիներ:

Արտահանման արգելքը կգործի մինչեւ ընթացիկ տարվա դեկտեմբերի 1-ը: Իշխանությունները հուսով են, որ այդ ժամանակահատվածում բավարար գումար կհավաքվի նկարը հետգնելու համար:

Թըրները այն նկարել է 1842 թվականին, որը «Ռիջի» շարքի միակ պահպանված նկարն է. Թըրները «Ռիջի լեռներ» շարքից նկարել է ընդամենը 3 նկար, որոնցից երկուսը ձեռք են բերել մասնավոր հավաքորդները: