WSJ․ Թրամփը Չինաստանին ավելի շահավետ առեւտրային պայմաններ է առաջարկել՝ Հյուսիսային Կորեայի հարցում օգնության դիմաց

ԱՄՆ նախագահ Դոնալդ Թրամփը հայտնել է, որ ինքը Չինաստանի նախագահ Սի Ցզինպինին առաջարկել է Պեկինի համար ավելի բարենպաստ առեւտրային պայմաններ՝ Հյուսիսային Կորեայից բխող սպառնալիքին դիմակայելու հարցում օգնության դիմաց, ստեղծելով նոր համաձայնագրի հեռանկարը, որն ավելի է մեղմ է այն հեռանկարի համեմատ, որին Թրամփը ձգտում էր ԱՄՆ-ի ու Չինաստանի առեւտրային բալանսի դեֆիցիտի խնդիրը լուծելու համար, գրում է WSJ-ը։

WSJ-ին տված հարցազրույցում Թրամփը հայտնել է, որ անցյալ շաբաթ Սի Ցզինպինի հետ իր առաջին հանդիպման ժամանակ, ինքը նրան հայտնել է, որ իր վարչակազմը չի կարող համակերպվել Չինաստանի հետ առեւտրային դեֆիցիտի շարունակությանը։ «Բայց դուք ուզում եք չէ՞ մեծ գործարք կնքել։ Ուրեմն լուծեք Հյուսիսային Կորեայի խնդիրը,- ասել է Թրամփը Չինաստանի նախագահին,- Դա արժե առեւտրային դեֆիցիտին։ Ու դա արժե, որ ես կնքեմ ոչ այնքան լավ առեւտրային գործարք, որը կարող էի կնքել սովորական հանգամանքներում»։

Թրամփը նաեւ ասել է, որ չնայած իր նախընտրական խոստմանը՝ իր վարչակազմը Չինաստանին որպես արժութային մանիպուլյատոր չի քննադատի այն զեկույցում, որը պետք է ներկայացվի այս շաբաթվա վերջին։ Նրա խոսքով Չինաստանը դադարեցրել է արժութային մանիպուլացումները ու հիմա ավելի կարեւոր է կենտրոնանալ Հյուսիսային Կորեայի հարցում Պեկինի հետ համագործակցության վրա։

«Հյուսիսային Կորեայի միջուկային փորձարկումների կապակցությամբ ԱՄՆ աճող անհանգստության պայմաններում Թրամփը անցած հանգստան օրերին ավիակիր խումբ է ուղարկել Կորեական թերակղզի»,- նշում է պարբերականը։

ԱՄՆ նախագահը հայտնել է , որ նավեր ուղարկելու նպատակն է Հյուսիսային Կորեային հետ պահել հետագա գործողություններից։ Թրամփը, որը Չինաստանին քննադատել էր նրա համար, որ նա Փհենյանի վրա իր ազդեցությունն ավելի ակտիվ,չի գործածել, հայտնել է, որ Սի Ցզինպինի հետ հեռախոսային բանակցությունների ժամանակ ինքը նշել է, որ նա պետք է Հյուսիսային Կորեայի առաջնորդ Կիմ Չեն Ընին հայտնի, որ ԱՄՆ-ն ոչ միայն ավիակիրներ ունի, այլեւ ատոմային սուզանավեր, գրում է պարբերականը;

«Չի կարելի նման երկրին թույլատրել միջուկային ներուժ ու միջուկային զենք ունենալ,- ասել է Թրամփը,- Դա զանգվածային ոչնչացում է։ Նա դեռ չունի միջուկային զենքի ուղարկման համակարգեր, բայց դրանք էլ կլինեն»

Թրամփի խոսքով Սի Ցզինպինի հետ իրենք նաեւ քննարկել են Չինաստան հյուսիսկորեական ածխի մատակարարումների դադարեցումը։

Ավելի վաղ, այդ նույն օրը, Չինաստանը մի քիչ այլ կերպ է բնութագրել բանակցությունները ու առեւտրային պայմանագիրն ու Հյուսիսային Կորեան փոխկապակցված խնդիրներ չի անվանել։ Ըստ ԱԳՆ հայտարարության, Սի Ցզինպինը նշել է,որ երկու կողմերն էլ բարձր մակարդակի վրա երկխոսության բազմաթիվ մեխանիզմներ ունեն ու հիշատակել է երկու կողմերի համաձայնագիրը «Առեւտրի վերաբերյալ գործողությունների 100 օրվա ծրագրի» վերաբերյալ, որն անտեսվում էր նախորդ պաշտոնական չինական հաշվետվություններում, ասվում է հոդվածում։

Թրամփը Ռուսաստանի նախագահ Վլադիմիր Պուտինի հետ իր հարաբերությունները անվանել է գոյություն չունեցող, բայց ասել է, որ անցյալ շաբաթ Ֆլորիդայում իր առանձնատանը հանդիպումից հետո Սի Ցզինպինի հետ ջերմ հարաբերություններ է հաստատել։

 NEWS.am