Առաջնագծի անվտանգությունն առաջնահերթ է. ի՞նչ աշխատանք է կատարվել
Ավտոմեքենան սլացավ արեւածագի լռության մեջ քնած քաղաքի փողոցներով, վայրի վարդով պատված տնակների, խանութների, սրճարանների եւ գրասենյակների կողքով, արվարձանի միջով, ոսկեզօծ դաշտերով ու կանաչ բլուրներով դեպի հեռավոր սահմանը:
Ճանապարհին փոսեր են, սկզբում՝ հատուկենտ, այնուհետեւ՝ ավելի ու ավելի շատ: Ճանապարհի որոշ հատվածներում ակներեւ է՝ կա վերանորոգման կարիք: Ասֆալտի ծածկույթը փոխարինվում է գյուղամիջյան ճանապարհով: Տեղանքի կլիման թելադրում է կանոնները. տարվա այս եղանակին արեւն արդեն հասցրել է չորացնել խոտը, իսկ ճամապարհին անցնող մեքենաների պատճառով կախված է փոշուց ձեւավորված մառախուղը: Փոշին ներթափանցում է հագուստի բոլոր ծալքերի մեջ եւ զգացվում է ատամների վրա:
Վերջին տարիների ընթացքում Արցախի Պաշտպանության բանակի հրամանատարությունը բազում ջանքեր է գործադրել առաջնագիծն ամրապնդելու եւ բանակայինների ծառայության պայմանները բարելավելու ուղղությամբ: Հատուկ ուշադրություն է դարձվում հենակետային բազաների հագեցվածությանը: Դրանցից մեկում եղել է մեր լրագրողական խումբը:
«Առաջնագծի անվտանգությունն ապահովելու համար իրականացվել են լայնածավալ ինժեներական աշխատանքներ: Կառուցվել են լրացուցիչ պատնեշներ, հաղորդակցման ուղիներ: Հակառակորդի կողմից տեսանելի բոլոր ճանապարհներն ապահովված են պաշտպանիչ պատնեշով»,-պատմում է զորամասի հրամանատարի տեղակալ փոխգնդապետ Պարգեւ Մարտիրոսյանը:
Բոլոր հենակետերը համալրված են խմելու ջրով, հարմարեցված լոգարաններով, տեղադրված են արեւային մարկոցներ, դիտարկման նոր համակարգեր:
«Նախկինում գործում էին դաշտային լոգարանները, իսկ այժմ զինծառայողները կարող են ցնցուղ ընդունել ամեն օր: Հատկապես ամռանը դա շատ ակտուալ է»,-նշում է Մարտիրոսյանը:
Դրա հետ մեկտեղ բարելավվել է սնունդը: Որոշված է սննդակարգում ներառել սեզոնային բանջարեղենը: Եւս մեկ նորամուծություն է նոր նմուշի կոշիկները. դեռեւս փորձնական տարբերակն է: «Ներկայումս բողոքներ չկան: Նոր կոշիկն իսկապես հարմարավետ է եւ թեթեւ»,-հավելել է հրամանատարի տեղակալը: Շոգ կլիմայի մեկ ուրիշ խնդիր է օձերի եւ կարիճների մեծ քանակությունը, եւ երկարաճիտք կոշիկները շատ տեղին են:
Ծառայությունից ազատ ժամանակ զինծառայողները կարող են շախմատ խաղալ կամ ընթերցանությամբ զբաղվել հարմարավետ տաղավարում:
Ներկայումս առաջնագծում իրավիճակը հանգիստ է: Իսկ մի քանի օր առաջ հնչում էին կրակոցներ, նշում է փոխգնդապետ Մարտիրոսյանը: Հարցին՝ սպասո՞մ են արդյոք ենթակաները հրամանի հակառակորդին լռեցնելու համար, հրամանատարի տեղակալը խուսափողաբար պատասխանում է. «Անձնակազմին տրված է հրաման, յուրաքանչյուրը գիտի իր գործը»:
2016 թվականին Ադրբեջանի ապրիլյան ագրեսիայի ժամանակ Պարգեւ Մարտիրոսյանը եւս ծառայում էր սահմանում. «18-ամյա տղաները դրսեւորում էին տոկունություն եւ մարտական ոգի: Չկար խուճապ կամ շփոթմունք»:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան