Շատ վտանգավոր ու կործանարար գործընթաց է սկսվել
Երկու կողմերի հարաբերությունները պիտի լինեն նորմալ, ջերմ, փաստն այն է, որ վարչապետ Նիկոլ Փաշինյանը նման հայտարարություն արել է, նախագահ Բակո Սահակյանն էլ պատասխանել է, այդ հարցն արդեն մեկնաբանվել է: Այս մասին Tert.am-ի հետ զրույցում ասաց Արցախի Հանրապետության ԱԺ փոխխոսնակ Վահրամ Բալայանը՝ անդրադառնալով ՀՀ վարչապետի այն հայտարարությանը, թե Արցախը տեղյակ չի եղել բանակցային գործընթացից, և ինքն է տրամադրել այդ փաստաթղթերն Արցախին:
Բալայանը մեջբերեց նախագահ Բակո Սահակյանի հայտարարությունը, որ Արցախը տեղյակ է եղել բանակցությունների գործընթացից:
«Այստեղ ուրիշ բան կա, երբ սկսենք նախագահի, վարչապետի հայտարարությունները մեկնաբանել, քննարկման նյութ դարձնել, դրանից դրական բան չի ստացվի, դրանից չենք շահի:
Կցանկանայի, որ երկու կողմերի հարաբերությունները լինեն գործընկերային, ջերմ, նորմալ, բարեկամական»,- շեշտեց Բալայանը և հավելեց, որ եթե ինչ-որ հայտարարություն է արվում, դրան հակադարձող խոսք է ասվում, դա ոչ մեկին օգուտ չի բերի:
Ինչ վերաբերում է ՀՀ վարչապետ Փաշինյանի այն հայտարարությանը, թե հանդիպում է Արցախում մարդկանց հետ, հետո այդ մարդիկ իր դեմ գրառումներ են անում, թե հողեր է «հանձնում», ԱԺ փոխնախագահն ասաց. «Անկեղծ ասած՝ մեր ընկերներից այսօր հարցրի, թե խոսքն ում մասին է, իրենք չկարողացան պատասխանել: Ճիշտ կլինի՝ անուններ տրվեն, թե ում մասին է խոսքը, ովքեր են դրանք: Հիմա համացանցում ինչ ասես գրում են, բայց պաշտոնական նման հայտարարություն, թե ՀՀ վարչապետն այսպիսի տրամադրություններ ունի, չկա»:
Հարցին՝ այս պահին հայկական երկու պետությունների հարաբերությունները լարվա՞ծ են, Բալայանը բացասական պատասխան տվեց. «Ոչ, կարող է աշխատանքային քննարկումներ են եղել, մեկն այս կարծիքը չի կիսել, մյուսը՝ այն, բայց դա չի նշանակում, որ հակասություններ կամ ինչ-որ խնդիրներ կան երկու հայկական երկրների միջև:
Հիմա Սերժ Սարգսյանն էլ, երբ հանրապետության նախագահն է եղել, նման խնդիրներ, նման քննարկումներ էլի են եղել, տարբեր կարծիքների ներկայացում է եղել, բայց դա չի նշանակում, որ այն ժամանակ պետք է խոսեինք, որ Հայաստանի և Արցախի հանրապետությունների միջև խիստ լարված հակասություններ կան, այդպիսի բան չկա, հիմա էլ չկա:
Աշխատանքային մթնոլորտ է: Ներկա ժամանակներում, այս բացախոսության պայմաններում հասկանալի է՝ տարբեր կարծիքներ տարբեր մոտեցումներ կլինեն, դրա մեջ փորձել ինչ-որ հակասություններ որոնել շնորհակալ գործ չէ, և դա օգտավետ չէ ոչ մեկիս»:
ԱՀ ԱԺ փոխխոսնակը հավելեց, որ եթե կան ինչ-որ խնդիրներ, կարելի է քննարկման նյութ դարձնել դրանք, անուններ, հարցեր ներկայացել: «Մեզ համար շատ վտանգավոր է անընդհատ փորձել մեր մեջ ինչ-որ հակառակորդներ որոնել, ինչ-որ խնդիրներ որոնել, սա միանշանակ կործանարար է, և պետք է անընդհատ խույս տանք նման բաներից, վերջիվերջո մենք փոքր ժողովուրդ ենք և փորձել արգելապատնեշներ, բաժանարար գծեր դնել սա համենայն դեպս ոչ մեկին օգուտ չէ»,- եզրափակեց նա:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան