Նիկոլ Փաշինյանին հաջողվեց ժողովրդի մի մասին ամբոխ դարձնել

Նիկոլ Փաշինյանին մի բան հաստատ հաջողվեց․ նա կարողացավ ժողովրդի մի մասին ամբոխ դարձնել։

Եվ սա պատահական չէ․ երբ մեթոդաբար հնչեցնում ես պատերին ծեփելու, թևերը կտրելու, ասֆալտին փռելու և այլ նման հայտարարություններ, երբ արդարադատությունը հեռախոսային է կամ փողոցային, դատավորն՝ ահաբեկված, սա դառնում է ընդունելի վարքագիծ ու նորմ։ Սա ժողովրդից ամբոոխ ու մանկուրտ կերտելու ամենակարճ ճամապարհն է։

Այո՛, ամբոխ․ անգամ ամբոխը կվարանի երեք տարեկան երեխաների ուղղությամբ հարձակվելուց առաջ։ Այո՛, ամբոխ, որովհետև ամբոխը չունի զսպանակ ու նրան ոհմակի փիլիսոփայությունն է առաջնորդում։ Դուք ձեր մթագնած ուղեղներին հաշիվ տալի՞ս եք, թե ում եք վանկարկում․․․Դաշնակցության անունը տալուց առաջ մտածեք, իհարկե, եթե ունակ եք։

Իսկ ժողովրդի մեջ այս փողոցային որակների և ոչ մարդկային ինստինկտների ներմուծումը թանկ է նստելու մեր պետության վրա, այն պետության վրա, որի անկախության համար իմ դաշնակցական ընկերները կյանքով են հատուցել։

Պրն․ վարչապե՛տ, կառավարեք, զսպեք այս ոչնչատեսիլ ընթացքը, ափսոս է մեր ժողովուրդը․․․

Լիլիթ Գալստյանի ֆեյսբուքյան էջից