ԱՄՆ-ն ձգտում է աջակցել ղարաբաղյան հակամարտության խաղաղ կարգավորմանը. ԱՄՆ պետքարտուղարություն
ԱՄՆ-ն`որպես ԵԱՀԿ Մինսկի խմբի համանախագահ երկիր, լուրջ է վերաբերվում ԼՂ հակամարտության կարգավորման հարցում իր պատասխանատվությանը և հավատարիմ է խաղաղ ճանապարհով խնդրի լուծման հարցում կողմերին աջակցելու ձգտմանը: ТАСС գործակալության փոխանցմամբ՝ այս մասին հայտարարել է ԱՄՆ պետքարտուղարի՝ Եվրոպայի և Եվրասիայի հարցերով օգնական Ջորջ Քենթը:
«ԱՄՆ-ն լուրջ է վերաբերվում ԵԱՀԿ Մինսկի խմբի համանախագահի իր պատասխանատվությանը: Մենք ուրախ ենք, որ հանդիպումներ են կայացել առաջնորդների և ԱԳ նախարարների մակարդակով: Կողմերը պայմանավորվածություն են ձեռք բերել շփման գծում լարվածության թուլացման մասին: Հայաստանի և Ադրբեջանի ԱԳ նախարարների վերջին հանդիպմանը Մոսկվայում բավարար համաձայնություններ են ձեռք բերվել», - լրագրողներին ասել է Քենթը:
Անդրադառնալով արտգործնախարարների հաջորդ հանդիպման անցկացմանն ԱՄՆ-ում՝ Պետքարտուղարության պաշտոնական ներկայացուցիչը հայտնել է. «Ինչ վերաբերում է հաջորդ հանդիպմանը, չեմ կարող ասել, որ տեղը որոշել ենք: Սակայն վստահ եղեք, որ ԱՄՆ-ն լուրջ է վերաբերվում իր պարտականություններին: Մենք ցանկանում ենք աջակցել գործընթացին, որը կբերի հակամարտության խաղաղ կարգավորմանը»:
Հիշեցնենք, որ նախօրեին Ադրբեջանում ԱՄՆ դեսպանի տեղակալ Ուիլյամ Գիլը հայտնել էր, որ ԱՄՆ-ն կարող է ապագայում ընդունել Հայաստանի և Ադրբեջանի արտգործնախարարների հանդիպումը Վաշինգտոնում:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան