Տոնի գաղափարական մասը հանրությանն այդքան էլ հասկանալի չէ, փորձում են ծիսական մասն անել, այն էլ, ինչպես միշտ, ստացվել է ավանդական խորովածով. Ս. Դանիելյան
«Տոնի բովանդակային մասը չկա, կա հերթական խորովածը՝ ծիսականացված վիճակով»: Tert.am-ի հետ զրույցում նման տեսակետ հայտնեց «Համագործակցություն հանուն ժողովրդավարության» կազմակերպության նախագահ Ստեփան Դանիելյանն՝ անդրադառնալով ՀՀ-ում առաջին անգամ նշվող Քաղաքացու օրվա միջոցառումներին:
Ստեփան Դանիելյանի կարծիքով՝ Քաղաքացու օրը տոնելն առաջին հերթին իշխանության լեգիտիմության խնդրի համար է արվել:
«Ցանկացած հեղափոխություն ունենում է իր հեղափոխական խորհրդանիշները, ատրիբուտիկան և այլն: Հայտարարել են, որ հեղափոխություն է եղել և որոշել են հեղափոխության օր հայտարարեն»,-ասաց ա:
Ըստ Դանիելյանի՝ հետևելով միջոցառումներին՝ տպավորություն է ստացել, որ գաղափարական մասը հանրության համար այդքան էլ հասկանալի չէ: «Գործող իշխանությունների ինտելեկտուալ պոտենցիալը, երևի, չի հերիքում հասանելի դարձնել գաղափարական մասը: Այսինքն՝ գաղափարական մասը չկա, փորձ է արվում ծիսական մասը անել, այն էլ, ինչպես միշտ, ստացվում է ավանդական խորովածով և նարդով»,-ասաց նա:
Ինչ վերաբերում է տարբեր քաղաքներում «Իրազեկ քաղաքացի» թեմայով տարվող քննարկումներին, որոնք նպատակ ունեն անդրադառնալ քաղաքացու գիտակցության բարձրացմանը, Դանիելյանն ասաց, որ տպավորությունն այն է, որ դա բովանդակային մասը գտնելու ինչ-որ փնտրտուք է:
«Ծիսական մասը մտցվել է, օրը հայտարարվել է, և հիմա հայտարարվելուց հետո բովանդակային մասի որոնումներն են գնում, որպեսզի նաև հանրությանը ներկայացնեն: Ինչպես միշտ՝ սկզբից հայտարարվում է որևէ բարեփոխման մասին, հետո մտածում են, ինչն են բարեփոխելու, ինչպես օրինակ՝ կառավարության կառուցվածքն են փոխում, հետո նոր մտածում ինչն են փոխում և ինչի համար: Սա նույն տրամաբանության մեջ է»,-ասաց նա:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է