55-ամյա Ազիզան առաջին անգամ ամուսնանում է (Տեսանյութ)

1990-ականների ռուսական շոու բիզնեսի աստղ Ազիզան ամուսնանում է:

Ինչպես նշում է woman.ru-ն, 55-ամյա երգչուհին դարձել է «Ռոսիա 1» հեռուստաալիքով հեռարձակվող «Выход в люди» հաղորդման հյուրը: Նա լրագրողին ասել է, որ սիրային հարաբերությունների մեջ է վաղեմի ընկերոջ՝ երգահան Օլեգ Բեսկրովնիի հետ:

«Ամեն մեկս ուներ իր կյանքը, իսկ հետո մեր ճամփաները կրկին հատվեցին»,- ասել է երգչուհին:

Նա նշել է, որ Օլեգին ճանաչում է 30 տարի:

«Մի անգամ Օլեգն ինձ իր երգն առաջարկեց, դրանից հետո սկսեց սիրահետել ինձ: Առաջարկություն նա ինձ արել է շատ տարիներ առաջ, սակայն այդ ժամանակ ես չհամաձայնեցի»,- պատմել է երգչուհին:

Պարզվել է, որ նրանք այդ տարիների ընթացքում կապ են պահպանել, Օլեգը, ըստ Ազիզայի, աջակցել է իրեն կյանքի ծանր պահերին:

«Նոր տարուց առաջ մենք մեկնեցինք Յալթա, և հենց կեսգիշերին էլ նա ինձ առաջարկություն արեց: Ես չզարմացա, քանի որ գիտեի, որ նա ինձ միշտ սիրել է այս տարիների ընթացքում: Եվ ասացի «այո»,- ասել է երգչուհին:

Լրատվամիջոցը նշում է, որ սա կլինի Ազիզայի առաջին ամուսնությունը: