Մարիա Զախարովան մեկնաբանել է Դավիթ Տոնոյանի նյույորքյան հայտարարությունը

Ռուսաստանի Դաշնության ԱԳՆ պաշտոնական ներկայացուցիչ Մարիա Զախարովան, ամենաշաբաթյա ճեպազրույցի ժամանակ պատասխանելով լրագրողի հարցին, մեկնաբանել է Հայաստանի պաշտպանության նախարար Դավիթ Տոնոյանի՝ Նյու Յորքում արած հայտարարությունը:

«Ես չեմ կարող գնահատական տալ որոշակի հայտարարության: Ես կարող եմ վերահաստատել Ռուսաստանի հավատարմությունը քաղաքական-դիվանագիտական կարգավորմանը: Անկասկած, առաջնահերթությունը տրվում է կողմերի փոխադարձ պայմանավորվածություններին, և եթե կան հարցեր, որոնց շուրջ դիրքորոշումները համընկնում են, մենք դա ողջունում ենք:

Եթե դրա համար անհրաժեշտ է միջնորդների օգնությունը, մենք, անկասկած, մեր պարտավորվածությունների շրջանակներում պատրաստ ենք այն ցուցաբերել: Կարծում եմ՝ իմաստ չունի մեկնաբանել առանձին հայտարարություն», - ասել է Զախարովան:

Հիշեցնենք, որ Դավիթ Տոնոյանը վերաձևակերպել էր «տարածքներ՝ խաղաղության դիմաց» բանաձևը՝ «Նոր պատերազմ՝ նոր տարածքներ»:

Նշենք, որ Դավիթ Տոնոյանի հայտարարության շուրջ տարակուսանք է հայտնել Ադրբեջանի ԱԳ նախարար Էլմար Մաեդյարովը՝ ելույթ ունենալով Բրյուսելում: