Միլիոնավոր դոլարների ապրանք բաց թողնող պաշտոնյան ստանում է 160 հազար դրամ. Փաշինյանը ՊԵԿ համակարգի աշխատավարձերի մասին

ՀՀ վարչապետ Նիկոլ Փաշինյանը, մարտի 19-ին լրագրողների հետ հանդիպմանը անդրադառնալով իր հայտարարությանը, թե չի կարող բանակցել Արցախի անունից, նշեց.

«Ես կարող եմ ներկայացնել միայն այն սուբյեկտին, ում ներկայացնելու լեգիտիմ իրավունք ունեմ, հակառակ դեպքում՝ եկեք ներկայացնեմ ԱՄՆ-ն, կլինի՞: Չի լինի, չէ՞, հետևաբար, ես ներկայացնում եմ Հայաստանի Հանրապետությունը»:

ՊԵԿ-ի գործունեությանն անդրադառնալով՝ ՀՀ վարչապետը նշեց.

«2018թ. այդ առումով հեշտ տարի չի եղել, եղել են աշխատանքում բազմաթիվ պրոբլեմներ, թերություններ, որոշ էական բացթողումներ, բայց հիմա այդ ամենով անցել ենք, ունեցել ենք շատ բարդ քննարկումներ՝ տարբեր ֆորմատներով: Մենք հիմա ունենք բացարձակապես այլ իրավիճակ: Ես հիմա տեսնում եմ հստակ, որ ՊԵԿ աշխատանքի որակը, արդյունավետությունը և ցուցանիշները փոխվում են: Չեմ ուզում շատ առաջ անցնել, բայց կարծում եմ, որ, համենայնդեպս, ՊԵԿ ղեկավարության հետ պայմանավորվածությունը եղել է հետևյալը. մենք պետեկամուտների հավաքագրումն այս տարի բարձր տրամադրությամբ ենք իրականացնելու, բայց դա չի լինելու բիզնեսի վատ տրամադրության հաշվին»:

Փաշինյանը հաստատեց՝ նախորդ տարի խնդիրներ են ունեցել, այստեղ ունեին երկու հետևություն՝ գնալ լուծումների, հասկանալ իրավիճակը, և փորձի միջոցով նոր կանոններ հաստատել, նոր մեխանիզմներ ներդնել, որոնք կլինեն դրական բոլորի համար՝ պետության, գործարարների, պետեկամուտների հավաքագրման:

Նա նշեց, որ հիմա այդ առումով շատ լավ վիճակում են:

«Երբ իմանում եմ՝ Հայաստանում մաքսային տեսուչը ստանում է 160 հազար դրամ աշխատավարձ, պարզ է, չէ՞, որ այստեղ ունենք պրոբլեմներ. միլիոնավոր դոլարների ապրանք բաց թողնող պաշտոնյան ստանում է 160 հազար դրամ: Ես մնում եմ այն կարծիքին, որ պետք է ամեն ինչ անենք, որ պետությունը բարձրորակ ծառայություններ մատուցի, դրանք պետք է մատուցեն բարձր որակավորում ունեցող մարդիկ, դրանց՝ համակարգ բերելու կամ պահելու համար պետք է վարձատրության հետ կապված որոշակի լուծումներ լինեն, սա չի արվում տեսուչի կամ պաշտոնյայի համար, արվում է թոշակառուի համար, որ թոշակ ստանա, որ թոշակը բարձրանա, որ աշխատավարձը բարձրանա»,- ասաց նա:

Կառավարության ղեկավարը նաև տեղեկացրեց՝ 2018-ի մայիսից հետո 65 մլն հատ ՀԴՄ կտրոն ավելի է տպվել, քան նախորդ տարի նույն ժամանակահատվածում: Նա շնորհակալություն հայտնեց քաղաքացիներին ու գործարարներին, որ իր այդ ուղերձին ականջալուր են եղել:

Այս թեմայով Ինչպիսին էլ լինեն լուծումները, դրանք պետք է տեղավորվեն ինքնիշխանության, տարածքային ամբողջականության, իրավազորության սկզբունքների շրջանակում․ Փաշինյան Գերիների հարցը բարձրացվել է բարձրագույն մակարդակում. Փաշինյան Սյունիքի մարզը վարձով տալու մասին խոսք լինել չի կարող. Փաշինյան Ինչին է անհամբեր սպասում Նիկոլ Փաշինյանը Գետնին գցված դրոշը, պոկված կախիչը եւ գլոբալ ձախողումը. ո՞րն է ավելի վատ