Նախարար. Հայաստանն ամեն ինչ կանի հանուն Արցախի անվտանգության եւ զարգացման
Հայաստանը եղել եւ մնում է Արցախի անվտանգության երաշխավորը, ասել է Զոհրաբ Մնացականյանը։ Այս մասին ասել է Հայաստանի ԱԳ նախարար Զոհրաբ Մնացականյանը լրագրողների հետ զրույցի ժամանակ։
Պատասխանելով հարցին, թե փոխվում է արդյոք հայկական կողմի վերաբերմունքը բանակցային սեղանին գտնվող սկզբունքների ու տարրերի հանդեպ, նախարարը հիշեցրել է, որ Ստեփանակերտում Հայաստանի եւ Արցախի Անվտանգության խորհուրդների համատեղ նիստում Հայաստանի վարչապետ Նիկոլ Փաշինյանը միանշանակ հայտարարել է. կան սկզբունքներ եւ տարրեր, եւ հարցն այն է, թե ինչպես են դրանք մեկնաբանվում ու ընկալվում։
«Մենք հստակ հայտարարել ենք Հայաստանի առաջնահերթությունները. դա Արցախի կարգավիճակն ու անվտանգությունն է։
Լեռնային Ղարաբաղի մասնակցությունը, նրա վճռական ձայնը պայման չէ, այլ քայլ, որը նպաստելու է բանակցային գործընթացի արդյունավետության բարձրացմանը»,- ընդգծել է Զոհրաբ Մնացականյանը։
Միեւնույն ժամանակ, նախարարն ընդգծել է, որ երեք ժողովուրդների համար ընդունելի որոշման որոնումը չի կարող միակողմանի լինել. ներդրումը պետք է լինի բոլոր կողմերից, այդ թվում վստահության մթնոլորտի ստեղծման հարցում։ «Նոր գաղափարներով եւ մոտեցումներվ ջանում ենք ազդակ հաղորդել բանակցային գործընթացի արդյունավետ առաջմղմանը»,- ընդգծել է Մնացականյանը։
Ընդ որում՝ նախարարը նշել է, որ Հայաստանը հետեւողականորեն բանակցություններ է վարում ինչպես Արցախի հետ, այնպես էլ ԵԱՀԿ ՄԽ շրջանակում։ «Հայաստանի եւ Արցախի իշխանությունները տարբեր միավորներ են։ Մենք ոչ մի կերպ չենք հրաժարվում մեր դիրքից ու դերից։ Հայաստանը եղել եւ մնում է Արցախի անվտանգության երաշխավորը։ Հասկանալով մեր դերն ու հավատարիմ մնալով բանակցային գործընթացին՝ մենք կարող ենք ունենալ մոտեցումներ, որոնք ցանկանում ենք քննարկել արցախցի գործընկերների հետ, դա նորմալ երեւույթ է»,- նշել է նախարարը։
Վերադառնալով դիրքորոշումներին եւ պարտավորություններին մոտեցումների մեկնաբանությունների ու համեմատությունների հարցին՝ ԱԳ նախարարը շեշտեց հավասարակշռության խախտման անթույլատրելիությունը: «Եթե ակնկալվում է, որ մի կողմն ավելի զիջող է լինելու, ապա նման մոտեցումը գործուն չէ: Մենք բազմիցս ասել ենք, որ խնդիրը վերաբերում է մարդուն՝ 150 հազար մարդու: Նրանց անվտանգությունը կարեւորագույն հարց է: Մենք նրանց ֆիզիկական անվտանգության մասին խոսելու անհրաժեշտություն ունենք: Սա հիմնական մոտեցումն է: Լեռնային Ղարաբաղը քաղաքական միավոր է, որը բոլոր հիմքերն ունի սեփական կյանքը կառուցելու համար»,- շեշտեց Զոհրաբ Մնացականյանը:
Ի պատասխան Բաքվից հանդիմանությունների վերաբերյալ հարցին այն առնչությամբ, որ բանակցությունների ձեւաչափի փոփոխությունը դրանք փակուղի է տանում, նախարարը հավաստիացրեց, որ Հայաստանի չի անի այնպիսի բան, որը բանակցությունները փակուղի կտանի: «Մենք հանձնառու ենք խաղաղ կարգավորմանը: Մենք վճռականորեն առաջ կընթանանք: Բայց որպեսզի բանակցություններն արդյունավետ շարունակվեն, անհրաժեշտ է գործնականում ընդունել Արցախի վճռորոշ ձայնի արտահայտման անհրաժեշտությունը»,- հայտարարեց նախարարը: Նա կրկին հիշեցրեց, որ Լեռնային Ղարաբաղի ժողովուրդը սեփական իշխանությանն ընտրել է, բայց չի ընտրել Հայաստանի իշխանությանը, ընդ որում՝ Արցախի իշխանության համակարգը միջազգային հանրության կողմից ճանաչվել է տարբեր փաստաթղթերում: Նախարարը, միաժամանակ, շեշտեց տարածաշրջանում վստահության մթնոլորտի ստեղծման անհրաժեշտությունը, ընդ որում՝ «կարեւոր է, որ Ադրբեջանը նույնպես աշխատի այս ուղղությամբ»:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան