Գերմանացի գիտնականները 10 հազար արևի լուսավորություն ապահովող համակարգ են ստեղծել

Գերմանական ավիացիայի եւ տիեզերագնացության կենտրոնի գիտնականները նոր գերհզոր լուսային համակարգ են ստեղծել, որը կարող է մի տեղի վրա կենտրոնացնել 10 հազար արևի արձակած էներգիային հավասարազոր էներգիա։ Հինգշաբթի օրն այն առաջին փորձարկումներն է անցել։

Համակարգը կազմված է 149 քսենոնային կարճաղեղային լամպերից, ինչպիսիք օգտագործվում են մեծ կինոնախագծերում։ Մեկնարկի ընթացքում գիտնականները կենտրոնացրել են 350 կիլովատանոց բջջային զանգվածի ճառագայթումը 20X20 չափսի մեկ մետաղական թերթի վրա։

Ինչպես ասում է կենտրոնի տնօրեն Բեռնարդ Հոֆշմիդտը, համակարգը կարող է ստեղծել մինչեւ 3000°C ջերմաստիճան։ Կոնստրուկցիան ունի 14մ բարձրություն եւ 16մ լայնք։ 

Գիտնականների նպատակն է՝ ջրածնի, էկոլոգիապես մաքուր վառելանյութի ստեղծման նոր միջոցներ գտնելը։ Կենտրոնացնելով լույսը մի կետի վրա, համակարգը տաքացնում է մետաղը մինչեւ 800°C, իսկ հետո այն փոշեցրում են ջրային գոլորշիով։ Մետաղը թթվածնի հետ ռեակցիայի մեջ է մտնում ջրում, իսկ ջրածինը մնում է։

Դեռեւս համակարգը չորս ժամվա ընթացքում ծախսում է այնքան էլեկտրականություն, որքան սովորական տունը՝ մեկ տարվա ընթացքում։

Գիտնականները նպատակ ունեն մոտակա մի քանի տարում կատարելագործել համակարգը, եւ նրա սնուցումը ապահովել արեւային մարտկոցներով։

Top-News.am