«Մինսկի խմբի հաջորդ առաջարկները դուրեկան չեն լինելու»
Ուժեղ են այն պետությունները, զարգանում են այն երկրները, որտեղ իշխանափոխությունից հետո կառավարող ուժը չի ձգտում ամեն ինչ սկսեզ զրոյից, ջնջում է կամ փորձում է ջնջել անցյալը, եւ որ ամենակարեւորն է խզում է հարաբերությունները նախկին իշխանությունների հետ:
Շարունակականություն: Ահա սա է պակասում մեր երկրին: Եւ եթե մենք ունենայինք շարունակականության ավանդույթը, ապա գոնե Արցախի հարցում ներկա իշխանություններն այս կամ այն քայլն անելուց առաջ, անպայման կխորհրդակցեին նախկին բոլոր իշխանությունների հետ, քանի որ դա բխում է մեր պետության, մեր անվտանգության շահերից:
ՀՀ երկրորդ նախագահ Ռոբերտ Քոչարյանը պնդում է, որ Արցախի հարցում ընթացող բանակցություններում Ալիեւը հեշտությամբ առավելության է հասել Փաշինյանի նկատմամբ: «Դուշանբեի վերելակային բանակցությունները, փաստորեն, թաղեցին մեզ ձեռնտու Վիեննայի և Սանկտ Պետերբուրգի՝ շփման գծում վստահության միջոցների ամրապնդմանը միտված համաձայնությունները։ Իսկ դրանք հենց այն գինն էին, որ Ադրբեջանը վճարում էր Ապրիլյան պատերազմի սանձազերծման համար»,- շեշտում է երկրորդ նախագահը։
Այս սխալից, թերացումից հնարավոր կլիներ խուսափել, եթե չլիներ ամեն ինչ զրոյից սկսելու անհասկանալի ձգտումը, նախկին իշխանությունների արած ամեն ինչ սեւացնելու մղումը: Ընդամենը պետք է խորհրդակցություններ անցկացվեին, ընդ որում, բոլոր երեք նախագահների մասնակցությամբ:
Ակնհայտ է, որ այսօր Արցախի հարցով ընթանում են բանակցություններ, այն էլ բավական ինտենսիվ: Իհարկե, ցանկացած բանակցություն, անգամ ամենավատ բանակցություններն ավելի լավ են քան շփման բացակայությունը, բայց մենք լավ հնարավորություն ունեինք ավելի ամուր դիրքերից հանդես գալ, եթե կառավարման ոլորտում ունենայինք շարունակականություն:
Տարօրինակ է նաեւ, որ այսօր ընթացող բանակցությունները փորձում են հրամցնել ոչ թե որպես հենց բանակցություն, այլ պարզապես շփում, ինչը, իհարկե, առկա իրողությունները չի փոխում:
«Կասկած է առաջացնում նույնիսկ ոչ թե՝ բանակցությունների բուն փաստը, այլ այն ջանասիրությունը, որով վարչապետը փորձում է հրաժարվել դրանց գոյությունից»,- ընդգծում է ՀՀ երկրորդ նախագահ Ռոբերտ Քոչարյանը, որը պնդում է, որ հանրությունը պետք է հստակ իմանա, թե ինչ դիրքորոշում ունեն գործող իշխանությունները Արցախի հարցում:
Մի կարեւոր հանգամանք, որի մասին բարձրաձայնում է կալանավայրում գտնվող Ռոբերտ Քոչարյանը: «Հայկական կողմը զիջումներ անելու պատրաստակամության առումով չափից ավելի բարձր սպասումներ առաջացրեց՝ ինչպես Ադրբեջանում, այնպես էլ՝ համանախագահների մոտ։ Ու հենց այդ պատճառով էլ, կարծում եմ, որ Մինսկի խմբի հաջորդ առաջարկներն առանձնապես դուրեկան չեն լինելու»,- ընդգծել է նա։
Իհարկե, ամեն ինչ դեռ կորած չէ, դեռ իրավիճակը շտկելու ժամանակ կա, բայց դրա համար պետք է իջնել հուզականության դաշտից, վերադառանալ իրականություն, ակտիվ շփումներ հաստատել նրանց հետ, ովքեր երկար տարիներ բանակցել են մեր հարեւան երկրի հետ, տիրապետում են շատ մանրամասների եւ նրբությունների:
Հակոբ Ասատրյան
Top-News.am
Գարեգին Երկրորդի եղբոր կալանքը 2 ամսով երկարաձգվեց
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Իրանում վերականգնվել է ինտերնետային կապը
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Էստոնիան այս տարի պլանավորում է դեսպանություն բացել Երևանում
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...
Պուտինը պատասխանել է Մելանյա Թրամփի նամակին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ