Աշխարհի «ամենաթանկ» հյուրանոցային համարը՝ ֆոտոշարքով (լուսանկարներ)

Անգլիացի արվեստագետ Դեմիեն Հըրսթը ներկայացրել է աշխարհում «ամենաթանկ» հյուրանոցային համարը, որտեղ երկու գիշեր անցկացնելու համար հարկավոր է 200 000 դոլար վճարել:

Ինչպես նշում է Daily Mail-ը, խոսքը Լաս Վեգասի Palms Casino Resort-ում գտնվող The Empathy Suite շքեղ համարի մասին է:

Հատկանշական է, որ երկհարկանի համարի ներքին հարդարանքի մաս են կազմում Հըրսթի օրիգինալ արվեստի գործերից մի քանիսը: Ավելի քան 50 հյուր ընդունելու համար նախատեսված համարի կահույքի և ներքին հարդարանքի այլ պարագաների դիզայները Հըրսթն է:

Նշվում է, որ The Empathy Suite-ում գիշերելու հնարավորություն կունենան միայն նրանք, ովքեր Palms Casino Resort-ի խաղատանը 1 մլն դոլար և ավելի գումար կծախսեն: