Ծխելն ազդում է ուտելիքի եւ ըմպելիքների համի ընկալման վրա. ռեստորանի սեփականատեր
Արսեն Հովհաննիսյանի ռեստորաններում արդեն 4 տարի է ծխելն արգելված է: Արգելքը բիզնեսին չի վնասել, անգամ հակառակը՝ հաճախորդների թիվը մի փոքր ավելացել է, պնդում է Արսեն Հովհաննիսյանը:
Նրա խոսքով՝ այժմ շատ է քննարկվում հասարակական վայրերում ծխելու արգելքի մասին նոր օրենքը եւ տպավորություն է ստեղծվում, որ ռեստորանների բոլոր տերերը դեմ են այդ օրենքին, քանի որ վախենում են, որ իրենց բիզնեսը կարող է դրանից տուժել: Սակայն Արսեն Հովհաննիսյանի ռեստորանների օրինակը հակառակն է ասում. մարդիկ չեն դադարում ռեստորան այցելել, եթե այնտեղ արգելում են ծխելը:
Ավելին՝ մարդիկ, որոնք չեն ծխում, ավելի քիչ են շեղվում ճաշից եւ ավելի լավ են զգում ուտելիքի համը:
«Մենք ուզում ենք, որ մեր այցելուները զգան այն համերը, որոնք մեր խոհարարները մտածել են: Սակայն ծխելն ազդում է համի ընկալման վրա, թուլացնում է այն. ծխելուց հետո մարդիկ այլ կերպ են զգում ուտելիքի եւ գինու համը», - ասաց ռեստորանի տերը:
Հովհաննիսյանի կարծիքով՝ հասարակական վայրերում ծխելու արգելքը չի վնասի ռեստորանների աշխատանքին, ընդհակառակը՝ մարդիկ, որոնք ծխի պատճառով խուսափում են դրանցից, ավելի հաճախ կգնան ռեստորաններ:
Սակայն Հովհաննիսյանը կարծում է, որ քննարկվող օրենքում պետք է հստակ նշել, ինչ է նշանակում կիսաբաց տարածք, ինչպես նաեւ հասկանալ, թե որ դեպքում եւ ում նկատմամբ կարող են կիրառվել տուգանքները օրենքի խախտման պարագայում:
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Վանաձորի մի շարք հասցեներում գազանջատումներ կլինեն
Հայաստանում ամառային հանգիստը որքանո՞վ է հասանելի միջին ընտանիքին
Երբ Իրանը գալիս է մեր բանակցողների մոտ, նրանք խոսում են միայն կանխիկի մասին. Ուոլց
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Միջին նորոգման ծրագրի շրջանակում գծանշվում է Երևան-Սևան ճանապարհը
Գեղարքունիքի մարզում կասեցվել է գազավորված ըմպելիքների արտադրամասի գործունեությունը․ ՍԱՏՄ
Ջրափրկարարները քաղաքացուն անվնաս դուրս են բերել ափ