Ֆրանսիայում աճուրդի են հանվել Յուրի Գագարինի գրիչը, ստորագրությունը և լուսանկարները

Առաջին տիեզերագնաց Յուրի Գագարինի գրիչը և նրա ձեռքով գրված տեքստն աճուրդի են հանվել Ֆրանսիայի Cazo աճուրդի տանը: Այդ մասին հաղորդում է РИА Новости-ն:

Աղբյուրի փոխանցմամբ` Գագարինի իրերի համար աճուրդային գին է սահմանվել 15-20 հազար եվրոն:

Դեղին մետաղից ներդիրով սև գրիչը հրթիռի տեսք ունի, վերևի մասում գրություն կա` «ԽՍՀՄ, սեպտեմբեր 1959», ներքևի մասում` կարմիր թավշյա թուղթ է` արտադրողի դրոշմակնիքով: Թղթի վրա Գագարինի ստորագրությունն է և խորհրդային նավաստիներին ուղղված շնորհավորական ուղերձը:

Աճուրդի են հանվել նաև Յուրի Գագարինի լուսանկարները` 5-7 հազար եվրո աճուրդային գնով: Ներկայացված են տիեզերագնացի 12 լուսանկարները, որոնք արվել են 1968 թվականի մարտի 24-ին` Գագարինի մահից երեք օր առաջ: Լուսանկարներից մեկում Գագարինն է` կնոջ` Վալենտինայի և երկու դստրերի` Ելենայի և Գալինայի հետ: