Էլեկտրոնային սիգարետները նույնքան թունավոր են, որքան սովորականները. հետազոտություն
Ավստրալացի եւ հնդիկ գիտնականները պարզել են, որ այսպես կոչված էլեկտրոնային ծխախոտը նույնքան թունավոր է թոքերի համար, որքան եւ սովորական սիգարետները։ Նրանց նոր հետազոտությունը հրապարակվել է ERJ Open Research ամսագրում։
Հետազոտության ընթացքում մասնագետներն ուսումնասիրել են Iqos ծխախոտի տաքացման համակարգի, ինչպես նաեւ սովորական ու էլեկտրոնային ծխախոտների ազդեցությունը մարդու շնչառական համակարգի երկու տեսակ բջիջների վրա՝ բրոնխիալ էպիթելների եւ հարթ մկանների բջիջների։ Էպիթելային բջիջներն ապահովում են պաշտպանության առաջին գիծը այլածին մասնիկներից, որոնք հայտնվում են շնչուղիներում, իսկ հարթ մկաններն ապահովում են թոքերի գործունեությունը։ Մկանները ենթարկել են ծխախոտի ծխի, էլեկտրոնային սիգարետի գոլորշու եւ ծխախոտի տաքացման համակարգի աերոզոլի ազդեցությանը։
Պարզվել է, որ ծխախոտի ծուխն ու տաքացման համակարգի աերոզոլը միանման թունավոր են թոքերի համար. դրանք սպանում են բջիջներն անգամ ցածր խտության պարագայում։ Ինչ վերաբերում է վեյփերի գոլորշուն, այն թունավոր հատկություններ ունի միայն բավական բարձր խտության ժամանակ։
Այսպիսով, հետազոտությունը մեկ անգամ եւս ապացուցեց, որ ծխախոտի տաքացման համակարգերի օգտագործումն մեծացնում է լուրջ հիվանդությունների զարգացման վտանգը, ներառյալ թոքերի քրոնիկական օբստրուկտիվ հիվանդությունը, թոքաբորբն ու քաղցկեղը։
Ավելի վաղ ընդունված էր կարծել, թե էլեկտրոնային սիգարետներում եւ տաքացման համակարգերում վառվելու պրոցեսի բացակայությունը չի հանգեցնում քաղցկեղածին նյութերի առաջացման, որոնք գոյանում են ծխախոտը վառելիս, բայց բազմաթիվ հետազոտություններն արդեն ցույց են տվել, որ բնավ այդպես չէ, եւ դրանք նույնքան վտանգավոր են, ինչպես եւ սովորական սիգարետները։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները