Ինչպե՞ս երեխային պաշտպանել կենցաղային քիմիկատներից վարակվելուց
Կենցաղում մենք ավելի ու ավելի շատ ենք քիմիկատներ օգտագործում՝ լվացող հեղուկներ, լվացքի փոշիներ, դեղեր եւ այլն: Դրանցից շատերն անվնաս են, եթե ճիշտ են օգտագործվում եւ իրենց նշանակությամբ: Սակայն փոքրիկները հաճախ պատահաբար դրանք խմում են, ինչը կարող է ծանր թունավորումներ առաջացնել:
Մանկական առողջության գերմանական հիմնադրամի մասնագետների խորհուրդները կօգնեն երեխային պահպանել կենցաղային քիմիայից թունավորվելուց:
Աշխատեք երեխային ձեր տեսադաշտում պահել
Եթե երեխան մշտապես մեծերի տեսադաշտում է, նրա հետ որեւէ միջադեպ պատահելու հավանականաությունը զգալիորեն նվազում է: Թունավորումներ եւ այլ խնդիրներ են առաջանում այն ընտանիքներում, որտեղ ծնողները սիրում են հեռախոսով շատախոսել կամ զբաղված են իրենց գործերով:
Խոհանոցում երեխան չպետք է մենակ մնա
Տանը ամենավտանգավոր տեղը խոհանոցն է: Այստեղ երեխայի տեսանկյունից շատ հետաքրքիր բաներ կան, որոնք նա կարող է պատահաբար իր վրա թափել: Հետեւաբար խոհանոցում նա մենակ չպետք է մնա: Իսկ քիմիկատներով, լվացող հեղուկներով շշերը պետք է նրան անհասանելի տեղում լինեն:
Զգույշ եղեք դեղերի հանդեպ
Մարդկանցից ոմանք դեղերը հասանելի տեղում թողնելու վտանգավոր սովորություն ունեն: Երեխան կարող է այն պարզապես կուլ տալ, ուստի բոլոր դեղերը պահեք փակվող պահարանում: Երեխաների հետ զրույցում երբեք դեղը կոնֆետ չանվանեք՝ նրանց մոտ հետաքրքրություն չառաջացնելու համար:
Կենցաղային քիմիան ճիշտ պահեք
Կենցաղային քիմիայի միջոցները պետք է սննդամթերքից առանձին պահել եւ երեխայից որքան հնարավոր է հեռու: Ինչպես դեղերի դեպքում, բոլոր նյութերը, որոնք երեխան կարող է պատահաբար ուտել կամ խմել, պահեք փակվող պահարանում։
Ձեզ նրա տեղում պատկերացրեք
Հասկանալու համար՝ երեխան կարող է հասնել վտանգավոր քիմիկատներին, ձեզ նրա տեղում պատկերացրեք ու բնակարանում հետազոտական զբոսանք կատարեք: Եվ կզարմանաք, թե երեխային հասանելի գոտում որքան վտանգավոր իրեր եւ նյութեր կան։
Ի՞նչ անել, եթե երեխան քիմիկատ է խմել
Եթե անցանկալի իրերը, այնուամենայնիվ, երեխայի բերանում են հայտնվել, նախ անհրաժեշտ է շտապ օգնություն կանչել: Այնուհետեւ արագ լվանալ երեխայի բերանի խոռոչը, մեկ բաժակ հեղուկ տալ խմելու՝ ջուր, թեյ կամ հյութ: Դրանով վտանգավոր նյութը անմիջապես պակաս վտանգավոր խտության կհասնի: Ոչ մի դեպքում չի կարելի կաթ տալ, որը մեծացնում է աղիների պարունակության յուրացումը:
Եթե խոսքը կենցաղային քիմիայի մասին է, չի կարելի փսխոց առաջացնել, քանի որ նման փորձերը կարող են փրփուր գոյացնել՝ ընդունակ ընկնելու թոքերի մեջ եւ վայրկենական մահացու վտանգավոր բորբոքում առաջացնելու:
Մայիսի 3-ին Երևանում ծնվել է 57 երեխա
9 հետաքրքիր փաստ հնգյակների մասին
Ապրիլի 27-ին Երևանում ծնվել է 59 երեխա
Ապրիլի 14-20-ը Երևանում ծնվել է 385 երեխա
Ապրիլի 25-ին Երևանում ծնվել է 72 երեխա
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները