Մհեր Ենոքյանը փսիխոպատ է, և մենք պահանջում ենք նրան դատահոգեբանական փորձաքննության ենթարկել

Բժշկական համալսարանի 19-ամյա ուսանող Իոսիֆ Աղաջանովի սպանության համար դատապարտված Մհեր Ենոքյանը փսիխոպատ է, և մենք պահանջում ենք նրան դատահոգեբանական փորձաքննության ենթարկել. այսօր հրավիրված ասուլիսին հայտարարեց զոհի քույրը՝ Ելենա Աղաջանովան:

«Բժշկի աչքի համար դա ակնհայտ է, որ Ենոքյանը վտանգավոր է, վտանգավոր է մարդկանց համար, նա փսիխոպատ է, և մենք պահանջում ենք, որ կատարվի հոգեբուժական փորձաքննություն, և դա կապացուցվի, ես համոզված եմ»,-ասաց նա:

Ըստ Աղաջանովայի՝ Ենոքյանի խոսքը, նրա նկարները, որ տեսել են, նաև նրա բոլոր մանիպուլյացիաների ձևերը, ազդեցությունը մարդկանց վրա, հասկացել են, որ նա խնդիր ունի:

«Ասեմ, որ Զարուհի Մեջլումյանը, որ նրա կինն է, նույնպես մարդասպան, մանիպուլյատոր Մհեր Ենոքյանի հերթական զոհն է»,-ասաց նա:

Հարցին, թե կա՞ն հիմքեր՝ դատահոգեբուժական փորձաքննության ներկայացնելու, զոհի քույրն ասաց, որ ինքը՝ որպես բժիշկ, տեսնում է, որ նա դրա կարիքն ունի, և տեսնում է՝ նրա հոգեբանական վիճակից ելնելով:

Իսկ թե արդյոք ունեն նման իրավունք, Ելենա Աղաջանովան ասաց, որ կպարզեն, եթե ունեն, կդիմեն: «Համենայն դեպս, վերջին տասը տարիների ապացույցն է, և այսօրվա ամեն ինչը ցույց տվեց, որ Ենոքյանն օգտվում է հնարավոր և ոչ հնարավոր իր բոլոր իրավունքներից: Այո´, նա իրավունք ունի ներման դիմում ներկայացնելու, խնդիր չկա, մենք իրավունք ունենք դեմ լինելու: Ես ասել եմ և կկրկնեմ, որ մենք իրավունք ունենք չներելու իրեն, մենք չենք ներում, թող ցանկացած մարդ, որ կարող է իրեն ներել, իր մեջ անցկացնի, թե ինչ կատարվեց, ինչպես կվերաբերվեին, եթե իրենց երեխայի դեպքում լիներ, նոր ասեն»,-ասաց նա:

Այս թեմայով Մարդասպան Մհեր Ենոքյանին փորձում են վաղաժամկետ ազատ արձակել Մհեր Ենոքյանի բանտային ռեժիմի փոփոխության որոշումն անընդունելի է. պայմանների մեղմացումը չպետք է վերաբերի դաժան մարդասպաններին Ողջունում եմ Վարչապետի և Նախագահի որոշումը Մհեր Ենոքյանին ներում չի շնորհվել Զարուհի Մեջլումյանը հրաժարվում է հրապարակել Մհեր Ենոքյանի ներման խնդրագրի պատասխանը