Հայաստանի և Ադրբեջանի առաջնորդները ճնշման տակ են
Այնպիսի հակամարտությունները, ինչպիսին ղարաբաղյանն է, շատ դժվար է կարգավորել, գրեթե անհնար է:
Այս մասին Tert.am-ի հետ զրույցում ասաց ռազմական վերլուծաբան Ալեքսանդր Գոլցը՝ նշելով, որ Փաշինյան-Ալիև հանդիպումը շոշափելի առաջընթաց չէ կոնֆլիկտի լուծման ճանապարհին:
«Հակամարտության կողմերն իրենց համարում են բացարձակ ճշմարիտ և ցանկացած կոմպրոմիս դիտարկում են որպես զիջում: Հասարակությունները պատրաստ չեն կոմպրոմիսի: Իսկ կոնֆլիկտի կողմերի առաջնորդները հասարակության ճնշման տակ են և ներկայացնում են հենց այդ տեսակետները հանդիպումների ու բանակցությունների ժամանակ»,- ասաց Ալեքսանդր Գոլցը:
Փորձագետի խոսքով՝ միայն նրանից հետո, երբ հասարակությունները կդադարեն կոմպրոմիսը որպես զիջում դիտարկելուց, տեղի կունենա կարգավորում:
Ալեքսանդր Գոլցն ասաց, որ հակամարտությունների կարգավորմանն է նպաստում նաև նույն միության անդամ լինելու գործոնը:
«Բալկաններում կրքերը հանդարտվեցին, երբ բալկանյան երկրները հայտարարեցին Եվրամիության անդամ դառնալու նպատակի մասին»,- ասաց նա՝ նշելով, որ ղարաբաղյան հակամարտության պարագայում, սակայն, այս տարբերակը դժվար թե աշխատի, որովհետև չկա շանս, որ Ադրբեջանը կդառնա ԵԱՏՄ անդամ:
Դիտարկմանը, թե ԵԱՀԿ Մինսկի խումբը Հայաստանի և Ադրբեջանի արտաքին գործերի նախարարների հետ հանդիպումից հետո տարածել էր հաղորդագրություն, որտեղ ասվում էր «ժողովուրդներին խաղաղության պատրաստելու» մասին, Ալեքսանդր Գոլցն ասաց, որ լիդերները իրենց ժողովուրդներին աստիճանաբար պետք է հասկացնեն, որ կոմպրոմիսը անհրաժեշտ է:
«Խնդիրն անգամ կոմպրոմիսի բովանդակությունը չէ, խնդիրը հենց կոմպրոմիսի գնալն է: Երկու ժողովուրդները պետք է հասկանան կոմպրոմիսի կարևորությունը:
Ստանալ ամեն ինչ ու հենց հիմա, չի լինում»,- հավելեց նա:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան