Չափավոր քաղցած մնալն առողջությանն օգտակար է
Չափավոր քաղցած մնալն առողջությանն օգտակար է, քանի որ փոխում է մետաբոլիզմը եւ ազդում ցիրկադային ռիթմերի վրա: Ինչպես նշում են Իրվայնում Քալիֆորնիական համալսարանի (UCI) գիտնականները, դրա արդյունքը օրգանիզմի ծերացման հետ կապված հիվանդությունների զարգացման հավանականության նվազումն է:
Հետազոտությունն անցկացվել է մկների վրա, որոնք մեկ օր քաղցած են մնացել: Պարզվել է, որ արդյունքում փորձակենդանիները ավելի քիչ թթվածին են գործածել եւ ավելի քիչ էներգիա ծախսել: Դրանից բացի, նվազել է արտաշնչած ածխաթթու գազի եւ ներշնչած թթվածնի միջեւ հարաբերակցությունը:
Ուշագրավ է, որ սնունդ ընդունելուց հետո այս արդյունքը վերացել է:
Գիտնականների կարծիքով՝ քաղցած մնալն ազդում է ցիրկադային ռիթմերի համար առանցքային գեների եւ սպիտակուցների աշխատանքի վրա: Այսպես՝ նվազում է BMAL եւ REV-ERBa սպիտակուցների ակտիվությունը, որոնք դերակատարում ունեն լյարդի եւ կմախքային մկանների օրվա աշխատանքի մեջ:
Այսպիսով, քաղցած մնալը կարող է վերածրագրավորել մի շարք բջջային ռեակցիաները: Գիտնականները նշում են, որ սա առողջության վրա բարերար ազդեցություն է գործում եւ դանդաղեցնում ծերանալու հետ կապված հիվանդությունների զարգացումը:
Հետազոտությունը հրապարակվել է Cell Reports ամսագրում:
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Երբ Իրանը գալիս է մեր բանակցողների մոտ, նրանք խոսում են միայն կանխիկի մասին. Ուոլց
Վանաձորի մի շարք հասցեներում գազանջատումներ կլինեն
Հայաստանում ամառային հանգիստը որքանո՞վ է հասանելի միջին ընտանիքին
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Միջին նորոգման ծրագրի շրջանակում գծանշվում է Երևան-Սևան ճանապարհը
Գեղարքունիքի մարզում կասեցվել է գազավորված ըմպելիքների արտադրամասի գործունեությունը․ ՍԱՏՄ
Ջրափրկարարները քաղաքացուն անվնաս դուրս են բերել ափ