Լուսին ուղարկված բամբակի ու կարտոֆիլի սերմերը ծիլ են տվել

Լուսնի հակառակ կողմում վայրէջք կատարած չինական «Չանյե 4» տիեզերական սարքում ծիլ են տվել գիտական փորձարկումների նպատակով Լուսին ուղարկված բամբակի ու կարտոֆիլի սերմերը, գրում է The Guardian-ը:

Նախկինում բույսեր են աճեցվել Միջազգային տիեզերակայանում, սակայն սա Լուսնի վրա որևէ բան աճեցնելու առաջին փորձն է: Գիտնականները տիեզերքում բույսեր աճեցնելը շատ կարևոր փորձ են համարում հետագա տիեզերական երկարաժամկետ առաքելությունների համար, ինչպիսին կարող է լինել Արեգակնային համակարգի այլ մոլորակների, օրինակ՝ Մարսի վրա մարդկանց խումբ ուղարկելը:

Փորձարկումն անց է կացվում սարքի վրա՝ հող, ջուր և օդ պարունակող 18 սանտիմետրանոց տարայի մեջ:

Չինաստանի տիեզերական ազգային վարչության փոխնախագահ Վու Յանհուայի խոսքով՝ Չինաստանը, հավանաբար, 2020թ.-ին նմանատիպ փորձարկում կանցկացնի Մարսի մակերևույթին:

Օրեր առաջ հաղորդվել էր, որ Չինաստանի արձակած «Չանյե 4» տիեզերական սարքը Երկիր է ուղարկել Լուսնի հակառակ կողմում արված առաջին համայնապատկերային լուսանկարները:

Սա պատմական առաքելություն է ոչ միայն Չինաստանի, այլև ամբողջ աշխարհի համար, քանի որ սա Երկրի բնական արբանյակի հակառակ կողմի վրա բարեհաջող վայրէջքի առաջին դեպքն է:

Այս թեմայով Երկրի վրա կրկի՞ն մագնիսական փոթորիկ կսկսվի․ Բնակիչներին զգուշացրել են Երկրի վրա մոտ երկու օր մոլեգնող մագնիսական փոթորիկն ավարտվել է Ինչի՞ց է բաղկացած տիեզերական դատարկությունը Արեգակի վրա վերսկսվել են հզոր արեգակնային բռնկումները Գիտնականները կանխատեսում են Արեգակի ակտիվության կայունացում