Քնի պակասը մարդուն նյարդային եւ չար է դարձնում

Քնի պակասը բացասաբար է ազդում մարդու հոգեբնանության վրա, նշում են Այովա նահանգի հոգեբանները:

Journal of Experimental Psychology: General ամսագիրը հաղորդում է, որ հետազոտությունում ընդգրկվել է 142 կամավոր, որոնց պատահական սկզբունքով բաժանել են 2 խմբի: Առաջին խմբի մասնակիցները միջինում մոտ 7 ժամ են քնել, իսկ մյուս խումբը իր քունը կրճատել է մինչեւ 4.5 ժամ:

Մինչեւ փորձը եւ դրանից հետո բոլոր կամավորները լաբորատորիայում նյարդայնացնող ձայնի ֆոնին տարբեր առաջադրանքներ են կատարել:

Պարզվել է, որ քնի պակաս ունեցող մարդկանց մոտ բացասական էմոցիաների մակարդակը ավելի բարձր էր, քան նրանց մոտ, ովքեր բավարար չափով քնել էին: Ընդ որում որքան տհաճ էր ձայնը, այնքան երկրորդ խմբի մասնակիցներն ավելի չար էին դառնում:

Հետազոտության համահեղինակ, պրոֆեսոր Զլատան Քրիսանը շարունակել է իր դիտարկումները՝ խնդրելով 200 ուսանողներին օրագիր վարել եւ ամեն օր գրել, քանի ժամ են իրենք քնել եւ որքան ջղային են եղել հաջորդ օրը: Պարզվել է, որ երիտասարդները իսկապես ավելի հաճախ զայրացել են այն օրը, երբ սովորականից քիչ են քնել:

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել