Ղարաբաղի հարցը չի կարող սպասել, այն չի կարող դրվել հետին դարակներում. Կոնստանտին Զատուլին
ՀԱՊԿ գլխավոր քարտուղարի շուրջ ստեղծված իրավիճակը ոչ ստանդարտ է, որովհետև նախատեսված չի եղել կանոնակարգով: Այս մասին լրագրողների հետ զրույցում ասաց ՌԴ Պետդումայի ԱՊՀ հարցերով, եվրասիական ինտեգրման և հայրենակիցների հետ կապերի հանձնաժողովի աոաջին փոխկախագահ, ԱՊՀ երկրների ինստիտուտի ղեկավար Կոնստանտին Զատուլինը:
«Կանոնակարգումները կձևավորվեն հենց այս նախադեպից հետո: Ես ՀԱՊԿ աշխատակից չեմ, նշանակման հետ որևէ առնչություն չունեմ: Դուք գիտեք իրավիճակը՝ Յուրի Խաչատուրովին հետ կանչելուց հետո առաջացավ անհրաժեշտություն փոխարինել նրան: Ինչպես պայմանավորվեցին՝ դեկտեմբերի 6-ին տեղի կունենա հարցի քննարկում: Ինձ համար դժվար է ասել՝ ինչ որոշում կկայացնեն ՀԱՊԿ ղեկավարները: Ես չէի ցանկանա կրակի վրա յուղ լցնել, ասել՝ ում ճիշտ կլիներ նշանակել ՀԱՊԿ գլխավոր քարտուղար, ում ճիշտ չէր լինի»,- նշեց Կ. Զատուլինը:
Պատգամավորի խոսքով՝ հայ-ռուսական ներկայիս հարաբերությունները դաշնակցային են, և որևէ մեկն այս հարաբերությունների բնույթը չի դնում հարցականի տակ:
«Պարզ է, որ Հայաստանում տեղի ունեցածը, այն, ինչ ընդունված է ասել հեղափոխություն, հանգեցրեց խմբագրումների ոչ միայն երկրի ներքին, այլև՝ արտաքին օրակարգերը»,- նշեց Կ. Զատուլինը:
Ըստ նրա՝ Հայաստանն ու Ռուսաստանը մի շարք ոլորտներում ունեն համագործակցություն, բայց առավել կարևոր է անվտանգության ոլորտում ունեցած համագործակցությունը:
Խոսելով Լեռնային Ղարաբաղի հակամարտության մասին՝ Զատուլինը հարց հնչեցրեց՝ կա՞ կոնֆլիկտի կարգավորման ներկայիս փուլ, ապա նշեց. «Վերցված է դադար:
Չգիտեմ՝ որքանով է այն արդարացված: Կարծում եմ, որ հաշվի է առնվել այն, որ Հայաստանում ընտրություններ են: Ղարաբաղի հարցը չի կարող սպասել, այն չի կարող դրվել հետին դարակներում»:
Tert.am-ի հարցին, թե ինչո՞ւ է Ռուսաստանն առաջարկել ԵԱՏՄ անդամ-պետություններին սանկցիաներ կիրառել Եվրամիության դեմ, Կոնստանտին Զատուլինը պատասխանեց. «Կարծում եմ՝ ակնհայտ է, որ եթե հարևան Եվրոպական միությունում անդամ-երկրները համամիտ չլինելով ընդունում են ընդհանուր տեսակետը, ապա ցանկացած միություն դառնում է միություն այն ժամանակ, երբ արտաքին սպառնալիքներին, մարտահրավերներին արձագանքում է սոլիդար»:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան