Արեւադարձային լիանաներում հակաքաղցկեղային նյութ են գտել

Արեւադարձային լիանաներում գիտնականները հայտնաբերել են նոր միացություն, որն արդյունավետ է ենթաստամոքսային գեղձի քաղցկեղի դեմ պայքարում: Այս մասին ասվում է Journal of Natural Products ամսագրում հրապարակված ուսումնասիրության մեջ:

Ենթաստամոքսային գեղձի քաղցկեղն ամենասարսափելի ուռուցքային հիվանդություններից է, քանի որ այն դժվար է բուժվում (բջիջները ամենաանբարենպաստ պայմաններում գոյատեւում են) եւ մահացության բարձր ցուցանիշներ ունի:

Ենթաստամոքսային գեղձի քաղցկեղի բջիջներն ունակ են շրջակա միջավայրից կլանել ամբողջ թթվածինը եւ սնուցող նյութերը՝ դրանք օգտագործելով ակտիվ տարածման համար:

Դա մասամբ տեղի է ունենում Akt/mTOR մոլեկուլյար ուղու ակտիվացման հաշվին: Այս ուղին ազդանշանային է. այն օգնում է բջիջներին շփվել:

Հակաքաղցկեղային հատկություններով միացությունը՝ անցիստրոլիկոկին E3 ալկալին, հայտնաբերվել է Ancistrocladus likoko լիանայում: Այն զգալի փոփոխություններ է առաջացրել քաղկեղային բջիջների կազմաբանությում, որոնք մահվան են հանգեցնում: Նյութը սպանում է քաղցկեղային բջիջներին՝ արգելակելով Akt/mTOR-ի եւ աուտոֆագիայի ուղիների ակտիվությունը, որոնք հակառակ դեպքում կօգնեին քաղցկեղին ամենակոշտ պայմաններում ապրել:

Բացի այդ միացությունը քաղցկեղային բջիջներին թույլ չէր տալիս տեղափոխվել եւ գաղութներ առաջացնել: Սա կարող է նշանակել, որ այս նյութը կարող է կանգնեցնել նաեւ մետաստազները: Սակայն մարդկանց վրա այն դեռ չի փորձարկվել:

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել