Եթե հնարավոր հակամարտությունը Ղարաբաղից տեղափոխվի Հայաստան, Ռուսաստանը կմիջամտի
Օրեր առաջ ՌԴ Պետդումայի պատգամավոր Յուրի Շվիտկինը հայտարարել էր, որ Հայաստանի նկատմամբ ռազմական վտանգի դեպքում Ռուսաստանը կապահովի իր դաշնակցի անվտանգությունը:
Այս հայտարարությանն անդրադարձել է ԱՊՀ երկրների ինստիտուտի փոխտնօրեն, ռուս ռազմական փորձագետ Վլադիմիր Եվսեևը՝ կարծիք հայտնելով, որ Հայաստանի նկատմամբ հիմնական սպառնալիքը գալիս է Ադրբեջանից Ղարաբաղի ուղղությամբ: Փորձագետի կարծիքով՝ եթե հնարավոր հակամարտությունը Ղարաբաղից տեղափոխվի Հայաստան, Ռուսաստանը կարող է պաշտպանել Հայաստանին:
«Եթե զանգվածային հակամարտություն սկսվի, վստահ եմ, որ դրանում կներգրավվեն Հայաստանի՝ Ադրբեջանի հետ սահմանային տարածքները, բացի այդ, ըստ երևույթին, փորձեր կարվեն հարվածներ հասցնելու հենց Հայաստանի ուղղությամբ: Այս պայմաններում Ռուսաստանը կիրագործի իր ստանձնած պարտականությունները:
Ադրբեջանի կողմից շեղող գործողությունների հնարավորություն կա նաև Նախիջևանում, ինչը ևս սպառնալիք է ստեղծում Հայաստանի համար, և Ռուսաստանը՝ որպես դաշնակից, ունի բոլոր հիմքերը Հայաստանի կողմից այդ իրավիճակին միջամտելու համար», - ասել է Եվսեևը РУСАРМИНФО-ին տված հարցազրույցում:
Փորձագետն ընդգծել է, որ Հայաստանի տարածքում գործող ռադիոլոկացիոն կայանների գոտիները ծածկում են նաև Լեռնային Ղարաբաղը, ինչը բացառում է Ադրբեջանի ռազմաօդային ուժերի կիրառումը մարտական գործողություններում, բացի ռազմական ուղղաթիռներից և անօդաչու սարքերից:
Հիշեցնենք, որ ավելի վաղ փորձագետը հայտարարել էր, որ Հայաստանի ու Ռուսաստանի միջև ռազմական դաշինքը զսպող գործոն է հանդիսանում Ադրբեջանի ու Թուրքիայի համար:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան