Համացանցը տագնապայնություն եւ դեպրեսիա է առաջացնում

Համացանցը տագնապայնություն եւ դեպրեսիա է առաջացնում, կարծում են Փենսիլվանիայի համալսարանի մասնագետները:

Փորձարկմանը ներգրավվել է 143 ուսանող, որոնք օգտվել են Facebook-ից, Snapchat-ից եւ Instagram-ից, հայտնում է Xinhua-ն: Նախ գնահատել են կամավորների տրամադրությունը եւ բարեկեցության ընդհանուր մակարդակը, այնուհետեւ նրանց կամայականորեն բաժանել են 2 խմբի: Առաջին (հսկիչ) խմբի մասնակիցները պետք է համացանցից օգտվեին սովորական ռեժիմով, իսկ երկրորդում ընդգրկվածներն իրենց ժամանակը սահմանափակեին օրական 10 րոպեով:

Երեք շաբաթ հետո գիտնականները կրկին ստուգել են փորձարկվողների հոգեկան առողջության վիճակը: Պարզվել է, որ երկրորդ խմբում ընդգրկված մասնակիցները իրենց ավելի քիչ են միայնակ զգացել եւ հազվադեպ են դեպրեսիայի նշաններ ունեցել հսկիչ խմբի համեմատությամբ:

Դրական արդյունքն առանձնապես արտահայտված էր նախապես դեպրեսիա ունեցող ուսանողների շրջանում: Բանն այն է, որ փորձի շնորհիվ նրանք դադարել են իրենց ուրիշների հետ համեմատել, ինչն արդյունքում բարելավել է նրանց էմոցիոնալ տրամադրությունը:

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել