Կազմակերպելու են Սարգսյանի եւ Ալիեւի հանդիպումը
ԵԱՀԿ ՄԽ-ի համանախագահող երկրները վստահ են, որ ղարաբաղյան հակամարտությունը ռազմական լուծում չունի ու անհրաժեշտ է վերադառնալ բանակցային սեղանի շուրջ՝ ամենաբարձր մակարդակի վրա։ Այս մասին մամուլի ասուլիսի ժամանակ հայտնել է ղարաբաղյան հակամարտության կարգավորման հարցերով միջնորդական առաքելություն կատարող ԵԱՀԿ ՄԽ-ի ամերիկացի համանախագահ Ռիչարդ Հոգլանդը, փոխանցում է ՏԱՍՍ-ը։
«Բոլոր երեք համանախագահ երկրները վստահ են, որ հակամարտությունը ռազմական լուծում չունի»,- ասել է Հոգլանդը։Նրա խոսքով «անհրաժեշտ է ամենաբարձր մակարդակով վերսկսել բանակցությունները»։ «Հիմա մենք կենտրոնացնում ենք մեր գործունեությունը բարձր մակարդակի վրա հանդիպում կազմակերպելու ուղղությամբ»։
Մինսկի խմբի ֆրանսիացի համանախագահ Ստեֆան Վիսկոնտին էլ իր հերթին լրագրողների հետ զրույցի ժամանակ ասել է, ո ր ԱՄՆ-ն, Ռուսաստանն ու Ֆրանսիան կշարունակեն համատեղ ջանքերը ղարաբաղյան հակամարտության կարգավորման համար։ «Իհարկե դա բարդ հարց է, ինչպես գիտեք՝ շփման գծում լարվածություն է դիտվում ,սակայն գործընթացը շարունակվում է, այն շարժվել է մեռյալ կետից, կողմերը ուզում են առաջխաղացման հասնել։ Կարծում եմ, դա կարեւոր է»,- ասել է դիվանագետը։ Նա հայտնել է, որ Ադրբեջանի նախագահ Իլհամ Ալիեւը մարտի 14-ին Փարիզու մ կհանդիպի Ֆրանսիայի նախագահ Ֆրանսուա Օլանդի հետ։
Մարտի 10-ին Բաքվում ֆրանսիացի սենատորների հետ Ալիեւի հանդիպման ժամանակ նշվել է, որ Ալիեւի ֆրանսիական այցի ժամանակ քննարկվելու են ղարաբաղյան հակամարտության կարգավորման հարցերը։
ՄԽ-ի ռուս համանախագահ Իգոր Պոպովն էլ կողմերին կոչ է արել կատարել այն պայմանավորվածությունները, որոնք ձեռք են բերվել Ադրբեջանի ու Հայաստանի հանդիպումների ժամանակ Վիեննայում՝ 2016-ի մայիսին ու Սանկտ Պետերբուրգում՝ 2016-ի հունիսին։ «Վիեննայի ու Սանկտ Պետերբուգի պայմանավորվածությունները պետք է կատարվեն»,- ասել է դիվանագետը։
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
«Ըսավ քուգդ բդի էղնի 120». նոր ձայնագրություն ընտրակաշառքի գործով«Ըսավ քուգդ բդի էղնի 120». նոր ձայն...
ԱՄՆ Կոնգրեսում տեղի կունենա մամուլի ասուլիս Բաքվում հայ գերիների բանտարկության մասին
Ընտանեկան բռնությո՞ւն. Նատալյա Ռոտենբերգը հաղորդում է ներկայացրել ոստիկանություն
Կմիավորվի՞ ընդդիմությունը, և արդյո՞ք դա ուշացած չէ
Ռեալը չի ցանկանում 70 մլն եվրո վճարել
Խստորեն դատապարտելի է․ ՄԻՊ-ը՝ Երևանի քաղաքապետարանում տեղի ունեցած միջադեպի մասին
Հայաստանը կներկայացվի աշխարհի խոշորագույն արևային էներգետիկ ցուցահանդեսում՝ Intersolar Europe 2026-ո...
ԱՄՆ-ն Լիբանանում ձգտում է կայուն հրադադարի․ Վենս
Կապան Ֆեստ 2026․երաժշտության, արվեստի և մշակութային ժառանգության տոնը