Օդանավակայանի կամ խճուղու մոտ ապրելը կաթվածի վտանգով է սպառնում
Աղմուկի մշտական ազդեցությունը մեծացնում է սիրտ-անոթային հիվանդությունների, գլխուղեղի եւ սրտի կաթվածի վտանգը:
Այս մասին հաղորդում է MedicalXpress-ը՝ վկայակոչելով Բոստոնում Մասաչուսեթսի ընդհանուր պրոֆիլի հիվանդանոցի մասնագետների հետազոտությունը:
Հետազոտության մեջ ներգրավված է եղել միջինում 56 տարեկան 499 մարդ:
Փորձի նախնական փուլում կամավորներից ոչ մեկի մոտ սիրտ-անոթային կամ ուռուցքային հիվանդություններ չեն հայտնաբերվել: Բոլոր կամավորներին գլխուղեղի եւ անոթների համակարգչային եւ պոզիտրոնաէմիսիոն տոմոգրաֆիա են արել: Հետազոտության արդյունքներով պարզվել է նշիկաձեւ մարմնի ակտիվությունը, որը կարեւոր դեր է կատարում զգացմունքների ռեակցիաների եւ սթրեսի կարգավորման գործում:
Հետազոտության երկրորդ մասը 5 տարի անց է կատարվել: Այդ ընթացքում 40 կամավորների մոտ ախտորոշվել է գլխուղեղի կամ սրտի կաթված: Փորձագետները կամավորներից յուրաքանչյուրի տանը չափել են աղմուկի աստիճանը՝ այդ ցուցանիշը ավիացիոն եւ ճանապարհային քարտեզի համաձայն գնահատելով:
Պարզվել է, որ այն մարդկանց մոտ, ովքեր ապրում են օդանավակայանի կամ խճուղու մոտ, նշիկաձեւ մարմինն ավելի ակտիվ է եղել, իսկ զարկերակների բորբոքման աստիճանը՝ բարձր: Այս դեպքում գլխուղեղի եւ սրտի կաթվածի վտանգը եռակի մեծանում է:
Լրացուցիչ հետազոտությունների ընթացքում գիտնականները մտադիր են պարզել՝ կարող է արդյոք աղմուկի աստիճանի նվազեցումը կրճատել սիրտ-անոթային հիվանդությունների զարգացման վտանգը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները