5 մթերք, որոնք կարելի է ուտել նույնիսկ երեկոյան
Մասնագետներից շատերի խոսքով՝ երեկոյան ուտելն այնքան էլ լավ գաղափար չէ, եւ ոչ միայն այն պատճառով, որ ուշ ընթրիքը կնպաստի գիրանալուն, այլեւ այն պատճառով, որ նման ընթրիքից հետո կարող են քնի հետ կապված խնդիրներ առաջանալ: Մինչդեռ կան մի քանի մթերքներ, որոնք կարելի է ուտել նույնիսկ երեկոյան, եւ դրանք չեն խաթարի ո՛չ քունը, ո՛չ կազմվածքը:
Սպիտակ թռչնամիս
Սպիտակ թռչնամիսը, օրինակ՝ հավի կրծքամիսը կարող է լավ ընթրիք լինել: Այսպիսի միսը պարունակում է տրիպտոֆան, որը կոչվում է նաեւ լավ տրամադրության ամինաթթու: Դրա դեֆիցիտի դեպքում մարդու մոտ կարող են առաջանալ քնի, անոթների եւ սրտի հետ կապված խնդիրներ: Դրանից բացի, հավի կրծքամիսը դիետիկ է. այն քիչ է պարունակում ճարպեր ու կալորիաներ, հատկապես եթե պատրաստվում է գոլորշու վրա կամ եփվում է:
Ձուկ
Ձուկը եւս ընթրիքի համար լավ մթերք է: Ձկան տեսակների մեծ մասը պարունակում է B6 վիտամին, որն անհրաժեշտ է օրգանիզմում մելատոնինի՝ քնի հորմոնի սինթեզման համար: Ինչպես հավը, ցանկալի է, որ ձուկը եւս պատրաստվի գոլորշու վրա կամ եփվի, բայց ոչ մի դեպքում չտապակվի:
Կեֆիր/մածուն
Երեկոյան կարելի է գործածել նաեւ կեֆիր կամ մածուն. կաթնաթթվային մթերքներն օգնում են քաղցը հագեցնել, լավացնում են մարսողությունը՝ այն ավելորդ չծանրաբեռնելով, նաեւ պարունակում են օրգանիզմի համար անհրաժեշտ կալցիում:
Ձու
Հավի ձուն նույնպես քաղցն արագ է հագեցնում եւ ստամոքսը չի ծանրաբեռնում: Դրանից բացի, ձուն օգնում է պայքարել թթվային ռեֆլյուքսի դեմ, որն արտահայտվում է հանգիստ քնել թույլ չտվող այրոցով:
Դդում
Գիշերային ընթրիքի եւս մեկ ոչ կալորիական, սակայն օգտակար, վիտամիններով հագեցած մթերք է դդումը: Դդումը պարունակում է մեծ քանակությամբ օգտակար վիտամիններ եւ միկրոտարրեր, միաժամանակ քիչ կալորիա: Ցանկալի է ուտել թխած դդում:
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Վանաձորի մի շարք հասցեներում գազանջատումներ կլինեն
Երբ Իրանը գալիս է մեր բանակցողների մոտ, նրանք խոսում են միայն կանխիկի մասին. Ուոլց
Հայաստանում ամառային հանգիստը որքանո՞վ է հասանելի միջին ընտանիքին
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Միջին նորոգման ծրագրի շրջանակում գծանշվում է Երևան-Սևան ճանապարհը
Ջրափրկարարները քաղաքացուն անվնաս դուրս են բերել ափ
Գեղարքունիքի մարզում կասեցվել է գազավորված ըմպելիքների արտադրամասի գործունեությունը․ ՍԱՏՄ