Վլադիմիր Պուտինը պաշտոնական այցով Հայաստան կժամանի

ՌԴ նախագահ Վլադիմիր Պուտինը պաշտոնական այցով Հայաստան կժամանի: Այս մասին «Իզվեստիային» տեղեկացրել է նախագահի մամուլի քարտուղար Դմիտրի Պեսկովը: Նրա խոսքով, այցի ճշգրիտ ամսաթիվը դեռ չի որոշվել:

«Ժամկետները կհամաձայնեցվեն»,–ասել է Դմիտրի Պեսկովը` պատասխանելով «Իզվեստիայի» հարցին:

Սեպտեմբերի 8-ին Մոսկվայում տեղի ունեցան Վլադիմիր Պուտինի եւ Հայաստանի վարչապետի միջեւ բանակցություններ: Ավարտից հետո Նիկոլ Փաշինյանը հայտարարեց, որ ՌԴ ղեկավարին հրավիրել է Երեւան եւ ակնկալում է, որ մոտ ապագայում նա պաշտոնական այցով Հայաստան կժամանի:

Երկու երկրների նախագահների առաջիկա հանդիպումը կդառնա հինգերորդը 2018-ի մայիսի 8-ից հետո, երբ Նիկոլ Փաշինյանը վարչապետ ընտրվեց:

Սեպտեմբերի վերջին, ինչպես «Իզվեստիային» հայտնել է երկրի ղեկավարի օգնական Յուրի Ուշակովը, Վլադիմիր Պուտինը մտադիր է այցելել Ադրբեջան:

Այս թեմայով ՌԴ նախագահ Վլադիմիր Պուտինը Հայաստան կժամանի Հայաստանի Անկախության տոնի առթիվ Վլադիմիր Պուտինը շնորհավորել է Արմեն Սարգսյանին Հայաստանի հետ հարաբերությունները բոլոր ուղղություններով զարգանում են. Պուտին Փաշինյանը հույս ունի, որ Ռուսաստանի հետ հարաբերությունները կկառուցվեն փոխհարգանքի հիման վրա Պուտինն ու Փաշինյանը սեպտեմբերի 8-ին անկեղծ և լուրջ խոսակցություն կունենան. Ուշակով