Ինչու է Ռոհանին հրաժարվում հանդիպել Թրամփի հետ

Իրանի արտաքին գործերի նախարար Մոհամմադ Ջավադ Զարիֆը հայտարարել է, որ նախագահ Հասան Ռոհանիի հանդիպումը ԱՄՆ նախագահ Դոնալդ Թրամփի հետ անիմաստ է այն բանից հետո, ինչ Միացյալ նահանգները դուրս է եկել միջուկային համաձայնագրից: Այս մասին նախարարն ասել է CNN հեռուստաալիքին տված հարցազրույցում:

Զարիֆի խոսքով՝ Գործողությունների համատեղ համապարփակ ծրագրից դուրս գալով ԱՄՆ-ը ջնջել է այն «հսկայական առաջընթացը», որին իրենք հասել էին ավելի վաղ:

«Այն (համաձայնագիրը) մեզ համար լակմուսյան թուղթ էր՝ կարող ենք մենք վստահել ԱՄՆ-ին, թե ոչ»,- ընդգծել է նախարարը:

Հիշեցնենք, որ ԱՄՆ նախագահ Դոնալդ Թրամփը մայիսի 8-ին հայտարարել էր, որ Վաշինգտոնը դուրս է գալիս Իրանի միջուկային համաձայնագրից, որը կնքվել էր միջազգային միջնորդ «վեցյակի» (ՌԴ, ԱՄՆ, Մեծ Բրիտանիա, Չինաստան, Ֆրանսիա, Գերմանիա) և Իրանի միջև 2015-ին:

Թրամփը հայտարարել էր նաև բոլոր պատժամիջոցների վերականգնման մասին, որոնց գործունեությունը դադարեցվել էր համաձայնագրի կնքումից հետո:

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում