Չեղարկվել Է Իրաքի վարչապետի այցն Իրան

Իրաքի վարչապետ Հայդեր ալ Աբադիի այցն Իրան չի կայանա: Այդ մասին հայտնել Է Mehr գործակալությունը՝ վկայակոչելով Իրաքի վարչապետի դիվանատունը: 

Գործակալության տվյալներով՝ Իրան ալ Աբադիի այցը չեղարկված Է: Մինչդեռ Իրաքի վարչապետը, ինչպես եւ պլանավորվում Էր, օգոստոսի 14-ին այցով կժամանի Թուրքիա:
Օգոստոսի 10-ին Իրաքի Կենտրոնական բանկը առեւտրային բանկերին ծանուցել Էր Իրանի վարկային հիմնարկությունների հետ դոլարով տրանզակցիաների անցկացումն արգելվելու մասին: Ընդսմին Իրաքի Կենտրոնական բանկը չի առարկում Իրանի հետ գործառնություններում եվրոյի օգտագործմանը, ինչը, նրա տվյալներով, «կախված Է Եվրամիության Կենտրոնական բանկի եւ համապատասխան թղթակից-բանկերի պահանջներից»:
ԱՄՆ-ի նախագահ Դոնալդ Թրամփը մայիսի սկզբին հայտարարել Է, որ Վաշինգտոնը դուրս Է գալիս Իրանի հետ միջուկային ծրագրի վերաբերյալ համաձայնագրից: Նա հայտնել Է Թեհրանի դեմ բոլոր պատժամիջոցների վերականգնման մասին, այդ թվում՝ երկրորդայինների, այսինքն՝ այն երկրների նկատմամբ, որոնք բիզնես են վարում Իրանի հետ:
Իրաքը տարեկան 6,6 մլրդ դոլարի ապրանք Է գնում հարեւան Իրանից: Բացի սննդամթերքից, Իրանն իրաքյան շուկային մատակարարում Է ավտոմեքենաներ ու դրանց պահեստամասեր, կենցաղային տեխնիկա, հաղորդել Է ՌԻԱ Նովոստին:

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում