«Ղարաբաղի խնդիրը նաև մեր խնդիրն է»․ Թուրքիայի խորհրդարանի նախագահ

Թուրքիայի խորհրդարանի նախագահ Իսմայիլ Քահրամանը հայտարարել է, որ Արցախյան հիմնախնդրի լուծման համար պետք է ավելի կտրուկ քայլեր ձեռնարկվեն, գրում է թուրքական «Սթար» պարբերականը։

«Ղարաբաղի խնդիրը նաև մեր խնդիրն է, ինչպես Կիպրոսի հարցը նաև Ադրբեջանինն է, իսկ Քաշմիրինը` ամբողջ իսլամական աշխարհինը։ Մենք հավատում ենք, որ նման հարցերի կարգավորման համար հարկավոր է ավելի կտրուկ քայլեր ձեռնարկել»,- ասել է Քահրամանն Ադրբեջանի սփյուռքի հարցերով նախարար Ֆուադ Մուրադովի հետ հանդիպման ժամանակ։

Ըստ Քահրամանի՝ «աշխարհի աչքի առաջ մեծ անարդարություն է տեղի ունենում», և միջազգային հանրությունը չպետք է անտարբեր անցնի այդ ամենի կողքով։