Չեղարկվել է թուրք պաշտոնյայի այցը Նիդերլանդներ

Չեղարկվել է Թուրքիայի Գազինթեփ քաղաքի քաղաքապետ, նախագահ Ռեջեփ Էրդողանի կուսակից և նախկին նախարար Ֆաթմա Շահինի այցը Նիդերլանդներ: Պաշտոնական հաղորդագրությամբ կողմերը համաձայնել են, որ այս պահին թուրք պաշտոնյայի այցը նպատակահարմար չէ:

Երկկողմ հարաբերությունները սկսեցին սրվել անցած տարվանից, երբ Նիդերլանդների կառավարությունն արգելեց թուրք նախարարներին իր երկրի տարածքում քարոզչական հանդիպումներ անցկացնել նախագահ Էրդողանի նախաձեռնած սահմանադրական բարեփոխումների օգտին: Ի պատասխան՝ Էրդողանը Նիդերլանդների պաշտոնյաներին որակեց ֆաշիստ՝ թույլ չտալով, որ այդ երկրի դեսպանը վերադառնա Անկարա:

Այս տարեսկզբին Նիդերլանդները պաշտոնապես հանեց իր դեսպանին Թուրքիայից, շաբաթներ առաջ էլ երկրի խորհրդարանը երկու բանաձև ընդունեց՝ Հայոց ցեղասպանությունը ճանաչելու մասին:

azatutyun.am

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին