Թուրքիայի իշխանությունները պետք է վերջ տան իրենց «բանտային քաղաքականությանը». Օրհան Փամուք
Թուրք հայտնի գրող, Նոբելյան մրցանակի դափնեկիր Օրհան Փամուքը կոչ է արել Թուրքիային դադարել «բանտային քաղաքականություն» վարել լրագրողների ու մտավորականների հանդեպ, գրում է T24 կայքը:
Իր այս հայտարարությամբ Փամուքը քննադատել է օրեր առաջ Թուրքիայում երեք ընդդիմադիր լրագրողի ցմահ ազատազրկման դատապարտելն ու անարդար է անվանել այդ որոշումը:
«Մեզ միավորողը ոչ թե բանտ ընկնելու վախն ու ավարտ չունեցող սպառնալիքները, այլ խոսքի ազատությունն ու խաղաղությունը պետք է լինեն»,- ասել է գրողը՝ նշելով, որ այս հիմնարար իրավունքներն ու դրանց հանդեպ հավատի զգացումը կորցնելն արգելք է դնում ժողովրդի ապագայի վրա:
Ավելի վաղ Սանկտ Պետերբուրգի համալսարանում պատվավոր դոկտորի կոչում ստացած Օրհան Փամուքը պետերբուրգյան համալսարանում ունեցած ելույթի ժամանակ խոսել է Թուրքիայում տիրող իրավիճակից և հայտարարել, որ ինքը չի ցանկանում լռել իր հայրենիքում առկա ներքաղաքական ճնշումների ու վախի մթնոլորտի մասին:
«Խնդիրն այլևս որևէ մեկի իսլամացումը չէ, խնդիրը որևէ մեկի այլևս գոյություն չունենալն է: Այսինքն` խնդիրը ազատ լինել չկարողանալն է», - ասել էր Փամուքը:
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ԲՀԿ-ն դիմել է ՍԴ՝ վիճարկելու ընտրությունների արդյունքները
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...