Ես աջակցում եմ ցանկացած միջոցառման, որն առաջնագծում կրճատում է լարվածությունն ու զոհերի թիվը․ Կասպրշիկ
Կրակովում Հայաստանի եւ Ադրբեջանի արտգործնախարարների հանդիպման արդյունքներով ԵԱՀԿ Մինսկի խմբի համանախագահների տարածած հայտարարության մեջ նշված է, որ արտգործնախարարները սկզբունքորեն համաձայնություն են հայտնել համանախագահների վերամշակած փաստաթղթին, որը վերաբերում է ԵԱՀԿ նախագահի անձնական ներկայացուցչի գրասենյակի ընդլայնմանը, ցանկություն հայտնելով հնարավորինս շուտ ավարտուն տեսքի բերել փաստաթուղթը։ NEWS.am-ի թղթակիցն այս հարցով դիմել է ԵԱՀԿ գործող նախագահի անձնական ներկայացուցիչ Անջեյ Կասպրշիկին՝ խնդրելով պարզաբանել իր գրասենյակի ընդլայնման եւ նրա գործառույթների հարցը։
Ե՞րբ կարելի է ակնկալել աշխատանքների ավարտը եւ անցնել պրակտիկ գործողությունների։
ԵԱՀԿ գործող նախագահի անձնական ներկայացուցչի գրասենյակի ընդլայնման սկզբունքն ընդունվել է Հայաստանի եւ Ադրբեջանի նախագահների կողմից Վիեննայում եւ Սանկտ Պետերբուրգում 2016 թվականին։ Իմ մանդատը վստահության ամրապնդման միջոցառումների ընդունման հարցով կողմերին աջակցություն ցուցաբերելն է։ Ես ողջունում եմ նախագահների որոշումը եւ շարունակում եմ մշտապես կապ պահպանել ԵԱՀԿ նախագահության, համանախագահների եւ կողմերի հետ, որպեսզի օգնեմ այս նախաձեռնությանն առաջ շարժվել կառուցողական ճանապարհով:
Մինչեւ քանի՞ հոգի է նախատեսվում թիմի ընդլայնումը։ Կփոխվե՞ն թիմի գործառույթները։
Ընդլայնված թիմը կներառի մի քանի միջազգային աշխատակիցներ: Լրացուցիչ անդամները կկատարեն նույն խնդիրները, ինչ ներկայացուցչի ներկայիս դաշտային օգնականները:
Փոփոխություն կկրի՞ մոնիտորինգների անցկացման հաճախակիությունը, դրանց անցկացման շարունակականությունը։
Լրացուցիչ անձնակազմի առկայությունը հնարավորություն կստեղծի անձնական ներկայացուցչի գրասենյակի կողմից անցկացվող մոնիտորինգների հաճախակիությունը ավելացնելու առումով:
Ձեր կարծիքով, թիմի ընդլայնումը որքանո՞վ կնպաստի կայունության պահպանմանը։
Անձնական ներկայացուցչի թիմի ընդլայնումը կարող է դիտարկվել որպես վստահության ամրապնդման միջոց, որը կարող է նպաստել սահմանային գոտում լարվածության նվազմանը եւ կայունության բարձրացմանը։ Ես սատարում եմ ցանկացած միջոցառում, որը սահմանային գոտում կրճատում է լարվածությունն ու զոհերի թիվը։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան