ԵՄ հատուկ ներկայացուցիչը մտադիր է այցելել Լեռնային Ղարաբաղի հակամարտության հետեւանքով տուժած շրջաններ
Եվրամիության՝ Հարավային Կովկասի եւ Վրաստանի ճգնաժամի հարցերով հատուկ ներկայացուցիչ Տոյվո Կլաարը ծրագրում է որքան հնարավոր է շուտ այցելել այն շրջաններ, որոնք տուժել են Լեռնային Ղարաբաղի հակամարտության հետեւանքով, որպեսզի իր ավանդը բերի նրա հումանիտար հարթության քննարկման մեջ: Նա այս մասին ասել է Trend-ի հետ հարցազրույցում:
«ԵՄ-ն եւ ես անձամբ ցավում ենք հակամարտության գոտում մարդկային բոլոր զոհերի համար: Մեր դիտարկումներով՝ ամեն տարի Լեռնային Ղարաբաղի հակամարտության գոտում զոհերի թիվը, որոնցից շատերն անչափ երիտասարդ են, չափազանց վշտացնում է: Ոչ մի հիմնավորում չկա, որպեսզի սա տարեցտարի շարունակվի: Ցավոք, հրադադարի ռեժիմի խախտումները մարդկանց կյանքի ամենօրյա մասն են դարձել, որոնք մոտ են բնակվում զորքերի շփման գծին եւ միջպետական սահմանին: Չնայած նրան, որ միջադեպերի թիվն անցյալ տարվանից կրճատվել է, սարսափելի միջադեպերը շարունակում են տեղի ունենալ: Զուտ հումանիտար տեսանկյունից սա պետք է դադարեցվի: Սա նաեւ վնաս է հասցնում բանակցությունների արդյունավետությանը»,- կարծում է Կլաարը: Նրա խոսքով՝ ԵՄ-ն կողմերին մշտապես կոչ է անում խստորեն հետեւել հրադադարի ռեժիմի պահպանմանը եւ զսպվածություն հանդես բերել:
«Մենք կողմերին համառորեն կոչ ենք անում կատարել պայմանավորվածությունները, որոնք նախագահների միջեւ ձեռք էին բերվել Ժնեւում տեղի ունեցած վերջին հանդիպման ժամանակ, որոնք ի լրացումն բանակցությունների ակտիվացման՝ նաեւ տեղերում լարվածության թուլացման միջոցառումներ են նախատեսում»,- ասել է հատուկ ներկայացուցիչը: Ժամանակն է նաեւ կնքել ԵԱՀԿ գործող նախագահի անձնական ներկայացուցչի գրասենյակի ընդլայնման մասին համաձայնագիրը: Նրա կարծիքով՝ տեղերում լարվածության թուլացումը կնպաստի քաղաքացիական հասարակության շրջանում զոհերի թվի կրճատմանը: Սա նաեւ կթեթեւացնի փոխընդունելի համաձայնագրի ձեռքբերումը եւ չի ցեմենտի ստատուս քվոն, հավելել է Կլաարը:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան