Չեմպիոնների լիգայի 1/8 եզրափակչի առաջին խաղերի արդյունքները
Ֆուտբոլի եվրոպական Չեմպիոնների լիգայում մեկնարկեց 1/8 եզրափակիչը: Առաջին խաղում Իտալիայի չեմպիոն Թուրինի «Յուվենտուսն» ընդունեց Անգլիայի փոխչեմպիոն Լոնդոնի «Տոտենհեմին» եւ բաց թողեց երկու գոլի առավելությունը: Գրանցվեց ոչ ոքի՝ 2:2:
Արդեն երկրորդ րոպեին «Յուվենտուսի» բոսնիացի կիսապաշտպան Միրալեմ Պյանիչի փոխանցումից հետո արգենտինացի հարձակվող Գոնսալո Իգուաինը բացեց հաշիվը:
9-րդ րոպեին հյուրերի ուելսցի պաշտպան Բեն Դեւիսը սեփական տուգանային հրապարակում խախտեց կանոնները իտալացի հարձակվող Ֆեդերիկո Բերնարդեսկիի նկատմամբ եւ 11 մետրանոցը հստակ իրացրեց Իգուաինը:
Մինչեւ ընդմիջում Անգլիայի փոխչեմպիոնները կարողացան կրճատել հաշվի տարբերությունը: Անգլիացի հարձակվող Հարի Քեյնը գրավեց իտալացի Ջանլուիջի Բուֆոնի պաշտպանած դարպասը:
Ավելացված երկրորդ րոպեին դարձյալ 11 մետրանոց նշանակվեց «Տոտենհեմի» դարպասին, սակայն Իգուաինն այս անգամ վրիպեց: Բրազիլացի պաշտպան Դուգլաս Կոստայի դեմ խաղում խախտումը թույլ էր տվել կոտդիվուարցի պաշտպան Սերժ Օրյեն:
Երկրորդ խաղակեսում «Տոտենհեմը» կարողացավ հավասարեցնել հաշիվը դանիացի կիսապաշտպան Կրիստիան Էրիկսենի փայլուն իրացրած տուգանային հարվածի շնորհիվ՝ 2:2:
Օրվա մյուս խաղում Պրեմյեր լիգայի առաջատար «Մանչեսթեր Սիթին» Շվեյցարիայում հյուրընկալվեց «Բազելին» եւ առանց խնդիրների պարտության մատնեց 4:0 հաշվով: Կատալոնացի Խոսեպ Գվարդիոլայի գլխավորած թիմն արդեն առաջին խաղակեսում երեք անգամ գրավեց մրցակցի դարպասը:
Աչքի ընկան գերմանացի կիսապաշտպան Իլկայ Գյունդոգանը, պորտուգալացի կիսապաշտպան Բեռնարդու Սիլվան եւ արգենտինացի հարձակվող Սերխիո Ագուերոն: Գյունդոգանը երկրորդ խաղակեսում դարձավ դուբլի հեղինակ:
Այս զույգերի պատասխան հանդիպումները տեղի կունենան մարտի 7-ին:
Չեմպիոնների լիգա, 1/8 եզրափակիչ, առաջին հանդիպում
«Յուվենտուս» (Իտալիա) - «Տոտենհեմ» (Անգլիա)՝ 2:2
Գոնսալո Իգուաին, 2, 9, 11մ – Հարի Քեյն, 35, Կրիստիան Էրիկսեն, 71
Չիրացրած 11մ՝ Իգուաին, 45+2
«Բազել» (Շվեյցարիա) - «Մանչեսթեր Սիթի» (Անգլիա)՝ 0:4
Իլկայ Գյունդոգան, 14, 53, Բեռնարդու Սիլվա, 18, Սերխիո Ագուերո, 23


















































Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան