Գիտնականները պարզել են տղամարդկանց եւ կանանց ընկերության տարբերությունը
Տղամարդիկ եւ կանայք տարբեր կերպ են ընկերական հարաբերություններ պահպանում,– այսպիսի հետեւություն են արել Օքսֆորդի համալսարանի գիտնականնները, գրում է Guardian-ը։
Գիտնականները խնդրել են բարձր դասարանների երեսուն աշակերտների կազմել իրենց ընկերների ցուցակը եւ նշել, թե որքան մտերիմ են եղել իրենց հարաբերությունները։ Հետազոտությունից չորս ամիս անց գիտափորձի մասնակիցները ավարտեցին դպրոցը, եւ նրանցից շատերը ցրվեցին տարբեր քաղաքներով։ Ավելի ուշ՝ առաջին հարցումից 9 եւ 18 ամիս հետո, երիտասարդներին խնդրել են առաջին անգամվա նման նշել տվյալները։
Պարզվել է, որ հեռավորության վրա ընկերական հարաբերություններ պահպանելու համար, աղջիկներին բավական է պարբերաբար խոսել հեռախոսով, իսկ այ տղամարդիկ, բառիս բուն իմաստով, նախընտրում են գործը խոսքից. որպեսզի ընկերներ մնան, նրանք պետք է ինչ որ բան միասին անեն, օրինակ՝ միասին գնան ֆուտբոլ նայելու կամ փաբ,– ասվում է հոդվածի մեջ։
Հետազոտության ղեկավար Ռոբին Դանբարի խոսքերով՝ արդյունքները ցույց են տալիս, որ ընկերության վրա լրջորեն ազդում են գենդերային տարբերությունները։ «Հնարավոր է, որ հենց այդ պատճառով կանանց մոտ կապերը մոտ ընկերների հետ ավելի սերտ են, եւ նրանք այդքան հիվանդագին են արձագանքում հարաբերությունների խզմանը»,– գիտնականի խոսքերն է մեջբերում Guardian-ը։ Ի տարբերություն կանանց, տղամարդիկ ավելի հանգիստ են վերաբերվում ընկերությանը։ «Նրանք ունեն իրենց շրջապատը, որտեղ հիմնականում չորս հոգով են լինում։ Եթե տղամարդը հեռանում է ընկերներից, ապա, ինչպես ասում են՝ «աչքից հեռու, սրտից հեռու»։ Նա պարզապես նոր ընկերներ կգտնի»,– ասում է Դանբարը։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները