Իրանագիտությունը ծանր կորուստ կրեց
Հայաստանի իրանագիտությունը ծանր կորուստ կրեց: Երկարատեւ եւ ծանր հիվանդությունից հետո երկրային կյանքից անժամանակ հեռացավ Հայաստանի պետական համալսարանի արեւելագիտության ֆակուլտետի իրանագիտության ամբիոնի դոցենտ, գիտությունների թեկնածու, սիրված եւ բազմափորձ դասախոս Լուսյա Վառլամի Ղազարյանը:
Նա հսկայածավալ ներդրում ունի Հայաստանում իրանագիտության զարգացման գործում: «Պարսկերենի եւ հայերենի բայական համակարգերի զուգադրական քննություն» գիտական աշխատության հեղինակն է:
Նա 2000 թվականից դասախոսել է պետհամալսարանում, պատրաստելով բազմաթիվ մասնագետներ:
Լուսյա Ղազարյանը լուրջ ներդրում ունի պարսից լեզվի տեսական քերականության, պարսկերենի բառագիտության, դասական պարսկերեն բնագրերի եւ աղբյուրների ուսումնասիրման բնագավառներում:
Նա հսկայածավալ աշխատանք ունի նաեւ համեմատական լեզվաբանության, ինչպես նաեւ իրանական բարբառագիտության՝ մերձկասպյան լեզուների եւ բարբառների ուսումնասիրման ոլորտներում:
Լուսյա Ղազարյանն է հեղինակել Հայաստանի դպրոցների համար նախատեսված պարսկերենի դասագրքերը:
Բազմափորձ մասնագետի, սիրված դասախոսի եւ լավ մարդու հիշատակը միշտ վառ կմնա նրան ճանաչողների սրտերում, իսկ նրա հեղինակած աշխատություններով եւ գրքերով դեռ կկրթվեն բազմաթիվ իրանագետներ:
Top-News.am-ը ցավակցում է Լուսյա Ղազարյանի ընտանիքի անդամներին, հարազատներին, գործընկերներին եւ բարեկամներին:
Հոգեհանգիստը տեղի կունենա այսօր՝ փետրվարի 3-ին ժամը 18-ից Էրեբունի վարչական շրջանում գտնվող «Մեմորիալ» սգո սրահում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները