Լևոն Արոնյանը՝ Ջիբրալթարի մրցաշարի հաղթող
Ջիբրալթարում ավարտվեց հունվարի 23-ին մեկնարկած Tradewise Gibraltar Chess մրցաշարը, որին մասնակցում էր նաև հայկական շախմատի առաջատար Լևոն Արոնյանը: Շվեյցարական մրցակարգով 10 տուրով անցկացված մրցաշարի հաղթող դարձավ հենց հայ գրոսմայստերը:
Վերջին տուրից առաջ մրցաշարային աղյուսակը 7 միավորով գլխավորում էին Լևոն Արոնյանը, Մաքսիմ Վաշիե-Լագրավը, Հիկարու Նակամաուրան, Դանիլ Դուբովը և Ռիհարդ Ռապորտը: Ընդ որում, Արոնյանը հենց վերջին տուրից առաջ էր հավասարվել առաջատարներին:
35-ամյա հայ գրոսմայստերի մրցակիցը 10-րդ տուրում Հիկարու Նակամուրան էր: Պարտիան ավարտվեց ոչ-ոքի: Հաշտություն կնքվեց նաև Մաքսիմ Վաշիե-Լագրավ-Ռիհարդ Ռապորտ պարտիայում, իսկ Դանիլ Դուբովը պարտություն կրեց:
Մրցաշարի հաղթողին որոշելու համար 7,5-ական միավոր ունեցող շախմատիստներից կազմվեցին թայ-բրեյքի երկու զույգեր: Թայ-բրեյքի կիսաեզրափակչում Արոնյանը արագ շախմատի երկու պարտաիներում 2:0 հաշվով հաղթեց Ռապորտին, իսկ Վաշիե-Լագրավը 2,5:1,5 հաշվով առավելության հասավ Նակամուրայի նկատմամբ:
Թայ-բրեյքի եզրափակչում արագ շախմատի կանոններով անցկացված երկու պարտաիներում էլ Լևոն Արոնյանն ու Մաքսիմ Վաշիե-Լագրավը ոչ-ոքի խաղացին: Մրցաշարի հաղթողի անունը հայտնի դարձավ կայծակնային շախմատի պարտիաներում: Առաջին խաղում Արոնյանը սևերով ոչ-ոքի խաղաց, իսկ երկրորդ պարտիայում սպիտակներով պարտության մատնեց ֆրանսիացի գրոսմայստերին: Բացի հաղթողի տիտղոսից Արոնյանը որպես պարգևավճար կստանա 25 հազար ֆունտ ստերլինգ:
Ավելացնենք, 2018 թվականի ընթացքում սա Լևոն Արոնյանի առաջին տիտղոսն էր միջազգային խոշոր մրցաշարում:
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Արսեն Զախարյանի տրանսֆերային արժեքն աճել է