Պիցցան ամենաօգտակար նախաճաշ են ճանաչել
ԱՄՆ-ից առողջ սննդի հարցերով մասնագետը նախաճաշի համար պիցցան ճանաչել է առավել օգտակար ուտելիք, քան փաթիլները, հայտնում է The Independent-ը:
«Հավանաբար կզարմանաք, որ պիցցայի միջին կտորի մեջ եւ կաթով փաթիլների մեկ պնակում նույն քանակությամբ կալորիաներ են պարունակվում»,- նշել է գրանցված եւ հավաստագրված դիետոլոգ Չելսի Ամերը: Նրա խոսքով՝ ամբողջ հարցը մթերքների բաղադրության մեջ է: Փաթիլների մեջ սպիտակուցներ եւ օգտակար ճարպեր չկան, սակայն չափից շատ շաքար կա՝ մեծահասակ մարդու օրական նորմայի մինչեւ կեսը:
«Պիցցայում ավելի շատ սպիտակուցներ են պարունակվում, այնպես որ՝ այն ձեզ ամբողջ օրվա համար էներգիայով առլեցուն կդարձնի: Դրա մեջ ավելի շատ ճարպեր եւ ավելի քիչ շաքար է պարունակվում»,- ասել է Ամերը: Սակայն դիետոլոգը նշել է, որ մարդիկ հազվադեպ են պիցցայի մեկ կտորով բավարարվում, եւ այս մթերքն ամեն դեպքում չի կարելի օգտակար անվանել:
Բրիտանացի դիետոլոգ Ռիանոն Լեմբերթը, սակայն, գործընկերոջ հետ համաձայն չէ: Նա նշել է, որ «հսկայական յուղոտ պիցցաները, որոնք համացանցում են պատվիրվում, նախաճաշի համար լավագույն ընտրությունը չեն»: Նրա խոսքով՝ ամբողջական հատիկներից փաթիլները պիցցայից ավելի օգտակար են: Այսուհանդերձ, եթե իտալական ճաշատեսակը վնասակար հավելումներ չպարունակի, այն կարելի է ուտել նախաճաշին:
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Վանաձորի մի շարք հասցեներում գազանջատումներ կլինեն
Երբ Իրանը գալիս է մեր բանակցողների մոտ, նրանք խոսում են միայն կանխիկի մասին. Ուոլց
Հայաստանում ամառային հանգիստը որքանո՞վ է հասանելի միջին ընտանիքին
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Միջին նորոգման ծրագրի շրջանակում գծանշվում է Երևան-Սևան ճանապարհը
Գեղարքունիքի մարզում կասեցվել է գազավորված ըմպելիքների արտադրամասի գործունեությունը․ ՍԱՏՄ
Ջրափրկարարները քաղաքացուն անվնաս դուրս են բերել ափ