Հայաստանն ու Ադրբեջանը սկզբունքային համաձայնության են եկել
Համանախագահ Իգոր Պոպովը մանրամասներ է ներկայացրել Կրակովյան հանդիպումից «Հույս ունենք, որ կկարողանանք հստակեցնել կողմերի դիրքորոշումները առաջիկայում մեր եռյակի` ռեգիոն կատարելիք այցի ընթացքում, որը նախատեսել ենք, եւ հույս ունենք, որ կհանդիպենք Հայաստանի եւ Ադրբեջանի նախագահների հետ»,- APA լրատվական գործակալության հետ զրույցում ասել է ԵԱՀԿ Մինսկի խմբի ռուս համանախագահ Իգոր Պոպովը:
Ռուս դիվանագետը նաեւ նշել է, որ Կրակովում տեղի ունեցած ՀՀ եւ Ադրբեջանի ԱԳ նախարարների հանդիպման ժամանակ քննարկվել են հարցեր, որոնք կապված են հակամարտության գոտում ռազմական ռիսկերի նվազեցմանը: Քննարկվել է նաեւ ԵԱՀԿ դիտորդական առաքելության ընդլայնման հարցը նույնպես: Երկու նախարարները, ըստ Իգոր Պոպովի, սկզբունքային համաձայնություն են տվել համանախագահների կողմից կազմված փաստաթղթին, որը հայտարարելու է եւս յոթ դիտորդների ներգրավման մասին: «Ինչպես գիտեք ԼՂ հակամարտության կարգավորման վերջին հանդիպման ժամանակ, որը տեղի ունեցավ Շվեյցարիայում, որոշում էր կայացվել ակտիվացնել բանակցային գործընթացը եւ լրացուցիչ քայլեր ձեռնարկել, որոնք կնվազեցնեին լարվածությունն շփման գծում: Հանդիպումից հետո բնական է, որ մեր ֆրանսիացի եւ ամերիկացի գործընկերների եւ դեսպան Կասպրշիկի հետ, ով ներկայացնում է ԵԱՀԿ նախագահողին, քննարկումներ անցկացնեինք Հայաստանի եւ Ադրբեջանի ԱԳ նախարարների հետ, եւ օգնեինք, որպեսզի երկու հանդիպում տեղի ունենար, որոնցից վերջինը արդեն տեղի ունեցավ Կրակովում: Կրակովյան հանդիպման ժամանակ, մասնավորապես քննարկել ենք հարցեր, որոնք կապված են ռազմական ռիսկերի նազեցման հետ, ներառյալ նաեւ ԵԱՀԿ դիտորդական առաքելության ընդլայնման հետ:
Եւս յոթ դիտորդի ներգրավման մասին հայտարարող փաստաթղթում, որը կազմել ենք, նախարարները սկզբունքային համաձայնություն են տվել: Այժմ մնացել են միայն մի շարք տեխնիկական մանրամասներ, որոնք պետք է համաձայնեցվեն, մինչ ընդլայնման մեխանիզմի գործարկումը», — ասել է Իգոր Պոպովը, հավելելով, որ առաջարկվել է քննարկել հատկապես այն բարդ հարցերը, որոնց շուրջ համաձայնություն չի կայանում: Դրանք, ըստ ռուս համանախագահի նոր չեն, եւ բազմիցս են բարձրաձայնվել եւ վերաբերում են կարգավիճակային հարցերին եւ տարածքային կարգավորմանը: Համանախագահների պատկերացումները միտված են այն բանին, որպեսզի օգնեն կողմերին փոխընդունելի հանգուցալուծում գտնելու:
Մանրամասները՝ Politik.am -ում:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան