Օլիմպիադայում երեք հայ դահուկորդ կունենանք
Փհենչհան-2018-ի ձմեռային Օլիմպիական խաղերում Հայաստանը կունենա երեք մասնակից դահուկային սպորտի մրցաշարում: Հայաստանը նվաճել է մեկ օլիմպիական ուղեգիր եւ ստացել 2 սպիտակ քարտ:
Այս մասին NEWS.am Sport-ի թղթակցի հետ զրույցում ասաց Հայաստանի դահուկային սպորտի ֆեդերացիայի գլխավոր քարտուղար Գագիկ Սարգսյանը:
«Հունվարի 22-ին դահուկային սպորտի միջազգային ֆեդերացիան Օլիմպիական խաղերի համար ներկայացրել է վերջին վարկանիշային աղյուսակը եւ բաշխել քվոտաները. Հայաստանը ձմեռային Օլիմպիական խաղերում կունենա երեք ներկայացուցիչ. դահուկավազքում՝ մեկական կին եւ տղամարդ, նաեւ մեկ լեռանդահուկորդ: Դահուկավազքի քվոտաներից մեկը Ա դասակարգմամբ է, այսինքն` մենք նվաճել ենք այդ քվոտան: Իսկ մյուս քվոտաները մեզ հնարավորություն են տալիս սպիտակ քարտով մասնացել Օլիմպիական խաղերին: Լեռնադահուկից մեկ քվոտա ստացանք, ինչին շատ նպաստեց օրերս Իրանում կայացած միջազգային մրցաշարում ունեցած մեր արդյունքները: Մեր մարզիկները Իրանում բարելավեցին Հայաստանի վարկանիշը: Օրինակ` Հարություն Հարությունյանը հսկա ոլարավայրէջքում գրավեց 3-րդ տեղը: Այսպիսով` 3 օլիմպիականով կմեկնենք Փհենչհան»,- ասաց Գագիկ Սարգսյանը:
Հիշեցնենք, որ 23-րդ ձմեռային Օլիմպիական խաղերը կկայանան փետրվարի 9-25-ը Հարավային Կորեայի Փհենչհան քաղաքում: Մինչ այս, Հայաստանի դահուկային սպորտի ֆեդերացիան մատնանշում էր միայն մեկ մասնակցի` Սերգեյ Միքայելյանի անունը, ով ըստ ֆեդերացիայի ներկայացուցիչների, ուներ բավարար միավորներ եւ նվաճել էր օլիմպիական ուղեգիր: Հայաստանի առաջնության ժամանակ լրագրողների հետ ճեպազրույցում Գագիկ Սարգսյանը հայտարարեց, որ Սերգեյ Միքայելյանը վնասվածք ունի եւ չի մեկնի Փհենչհան եւ Օլիմպիական խաղեր կմեկնեն երկրորդ համարով. Սերգեյ Միքայելյանին կփոխարինի նրա կրտսեր եղբայրը` Միքայել Միքայելյանը:
Դահուկորդները մարզումները կանցկացնեն Աշոցքում, իսկ լեռդնադահուկորդը` Ծաղկաձորում: Ի դեպ, Հայաստանի այս տարվա չեմպիոն Միքայել Միքայելյանը եւս մեկ մեկնարկ ունի մինչեւ Օլիմպիական խաղերը` հունվարի 25-ից փետրվարի 2-ը Շվեյցարիայում կմասնակցի դահուկավազքի երիտասարդների աշխարհի առաջնությանը:
Լուսինե Շահբազյան
NEWS.am SPORT
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ղարաբաղից տեղահանվածները պետք է կապեն իրենց ապագան Հայաստանի հետ
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Մարմնամարզության տղամարդկանց հավաքականը տուն է վերադառնում
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է
Պետական արգելոցի ֆոտոթակարդները կրկին նկարահանել են կովկասյան ընձառյուծին