Վազքը նիհարելուն չի օգնի
Վազքը նիհարելուն չի օգնի, եթե մարդը միաժամանակ դիետայի չհետեւի, պնդում է Հարվարդի բժշկական դպրոցի սնունդի հարցերով փորձագետ, բժիշկ Ռեյչել Պոեդնիկը:
Նրա խոսքով՝ վազքը մեծապես օգտակար է, սակայն առանց լրացուցիչ ջանքերի չի օգնի ճարպի պաշարներն այրելուն:
«Եթե դուք փորձում եք նիհարել, հավանաբար, վազքը դրան հասնելու լավագույն միջոցը չի լինի»,- հայտարարել է փորձագետը Self պորտալի հետ հարցազրույցում: Իսկապես արդյունքի հասնելու համար անհրաժեշտ է ոչ միայն մեծացնել ֆիզիկական ակտիվության մակարդակը, այլ նաեւ ճիշտ սնվել:
Մասնագետի խոսքով՝ նիհարելու համար վազքը քիչ արդյունավետ է, քանի որ վազելիս ծախսած ժամանակի համեմատ քիչ կալորիա է այրվում: Եթե մարդու նպատակը նիհարելն է, ավելի լավ է նա դիտարկի ֆիզիկական ակտիվության առավել ներգործուն տարբերակները, օրինակ՝ մարմնի վրա ծանրաբեռնվածության տեսքով ինտենսիվության ավելի մեծ աստիճանով մարզումները:
Հետազոտությունը ցույց է տվել, որ քաշի կորստի համար վազքով զբաղվել սկսող մարդիկ, որպես կանոն, գերագնահատում են ծախսած կալորիաների քանակությունը եւ թերագնահատում սնունդում օգտագործվող ծավալը
«Միջին ինտենսիվության կարդիոմարզումները նիհարելու արդյունավետ եղանակ չեն, անկարող են լավ արդյունք ունենալ ճիշտ դիետայի համակցությամբ: Ընդհանուր առմամբ սննդակարգային փոփոխությունները քաշի կորուստի վրա ավելի մեծ ազդեցություն են ունենում, քան ֆիզիկական վարժությունները: Նիհարելու համար անհրաժեշտ է օրվա ընթացքում ավելի քիչ կալորիա օգտագործել, քան ծախսում եք: Ըստ որում՝ սնունդը պետք է առողջ լինի, այլ ոչ թե պարզապես ցածրկալորիական»,- ընդգծել է փորձագետը:
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Վանաձորի մի շարք հասցեներում գազանջատումներ կլինեն
Երբ Իրանը գալիս է մեր բանակցողների մոտ, նրանք խոսում են միայն կանխիկի մասին. Ուոլց
Հայաստանում ամառային հանգիստը որքանո՞վ է հասանելի միջին ընտանիքին
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Միջին նորոգման ծրագրի շրջանակում գծանշվում է Երևան-Սևան ճանապարհը
Գեղարքունիքի մարզում կասեցվել է գազավորված ըմպելիքների արտադրամասի գործունեությունը․ ՍԱՏՄ
Ջրափրկարարները քաղաքացուն անվնաս դուրս են բերել ափ