Հրդեհ է բռնկվել Մեղրի-Քաջարան ավտոճանապարհին գտնվող ամառանոցներից մեկում

Ապրիլի 9-ին՝ ժամը 16։30-ին Սյունիքի մարզային օպերատիվ կառավարման կենտրոն ահազանգ է ստացվել, որ Մեղրի-Կապան ավտոճանապարհին գտնվող ամառանոցներից մեկում հրդեհ է բռնկվել։ Այս մասին հայտնում է ՆԳՆ փրկարար ծառայությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ 

Պարզվել է, որ հրդեհը բռնկվել է Մեղրի-Քաջարան ավտոճանապարհի 18-րդ կմ-ի մոտակայքում գտնվող ամառանոցներից մեկում։

Հրդեհը մեկուսացվել Է ժամը 18:00-ին, մարվել՝ 18:40-ին: Այրվել են շինության (մոտ 40 քմ) փայտե կառուցատարրերը և գույքը։