Վաղ տարիքից արժեքների վրա հիմնված դաստիարակության ձևավորումը կարևոր է
Արմավիրի մարզ կատարած աշխատանքային այցի շրջանակում Մարդու իրավունքների պաշտպան Անահիտ Մանասյանն այցելել է Մեծամոր համայնքի Զարթոնք բնակավայրի միջնակարգ դպրոց և համայնքային մանկապարտեզ։ Այդ մասին հայտնում են ՄԻՊ գրասենյակից:
Այցի ընթացքում Պաշտպանը ներկա է եղել համայնքային մանկապարտեզում մայրության և գեղեցկության տոնի կապակցությամբ կազմակերպված միջոցառմանը՝ հանդես գալով բացման խոսքով։ Նա ընդգծել է երեխաների իրավունքների պաշտպանության և վաղ տարիքից արժեքների վրա հիմնված դաստիարակության ձևավորման կարևորությունը՝ նշելով, որ կարևոր է, որպեսզի յուրաքանչյուր երեխա մեծանա ապահով, հոգատար, անվտանգ և արժանապատիվ միջավայրում։
Այցի շրջանակում մանկապարտեզում հանդիպումներ են անցկացվել նաև ծնողների հետ, այդ թվում՝ եզդիական համայնքը ներկայացնող։ Քննարկվել են երեխաների կրթության, իրավունքների պաշտպանության և համայնքում առկա խնդիրների հաղթահարման ուղիները։
Մեծամոր համայնքի Զարթոնքի միջնակարգ դպրոցում Պաշտպանը, տնօրենի և ՄԻՊ աշխատակազմի ներկայացուցիչների ուղեկցությամբ, իրականացրել է շրջայց՝ տեղում ծանոթանալով կրթական հաստատության պայմաններին, անձնակազմի աշխատանքային միջավայրին և ուսումնական գործընթացի ընթացքին։
Այցի շրջանակում կազմակերպվել է հանդիպում աշակերտների հետ։ Ողջունելով մասնակիցներին՝ Պաշտպանը կարևորել է նման հանդիպումների դերը երիտասարդների իրավագիտակցության բարձրացման գործում՝ ընդգծելով հանդուրժողականության, մարդու արժանապատվության պաշտպանության և յուրաքանչյուր անձի՝ որպես բարձրագույն արժեքի ընկալման կարևորությունը։
Հանդիպման ընթացքում անդրադարձ է կատարվել մի շարք կարևոր թեմաների՝ իրավահավասարություն և խտրականության դեմ պայքար, մարդու իրավունքների կրթություն, ազգային փոքրամասնությունների և հաշմանդամություն ունեցող անձանց իրավունքներ, ընտանեկան բռնության կանխարգելում, խոսքի ազատություն և այլն։ Այս համատեքստում քննարկվել են նաև Մարդու իրավունքների պաշտպանի հաստատության դերն ու գործունեության ուղղությունները։
Հանդիպումն առանձնացել է բաց և ակտիվ երկխոսությամբ։ Աշակերտները բարձրացրել են իրենց հուզող հարցերը։ Մասնավորապես, դպրոցական միջավայրի անվտանգության համատեքստում անդրադարձ է կատարվել բուլինգի խնդրին։ Անահիտ Մանասյանն ընդգծել է, որ այն շարունակում է մնալ տարածված երևույթ և պետք է արժանանա պատշաճ արձագանքի։
Պաշտպանը կարևորել է արձագանքող և աջակցող միջավայրի ձևավորումը, ինչպես նաև ուսուցիչների, ծնողների, պետական կառույցների և բոլոր դերակատարների համատեղ աշխատանքը՝ կանխարգելման արդյունավետ մեխանիզմներ ներդնելու հարցում։
Հանդիպմանը մասնակցած եզդիական համայնքի ներկայացուցիչ աշակերտները բարձրաձայնել են իրենց համայնքին առնչվող տարատեսակ հարցեր։ Պաշտպանն ընդգծել է, որ վաղ և հարկադիր ամուսնությունները, ինչպես նաև պարտադիր կրթությունից դուրս մնալը հակասում են մարդու իրավունքներին և չեն կարող դիտվել որպես ընդունելի պրակտիկա՝ կարևորելով կրթության և իրազեկման դերը նման երևույթների կանխարգելման գործում։
Ամփոփելով այցը՝ Անահիտ Մանասյանը կարևորել է յուրաքանչյուրի ակտիվ մասնակցությունը սեփական համայնքում դրական փոփոխությունների իրականացման գործում՝ ընդգծելով, որ համատեղ ջանքերով հնարավոր է հաղթահարել մարդու իրավունքների պաշտպանության ոլորտում առկա խնդիրները։
Մարդու իրավունքների պաշտպանի մարզային այցերը կրում են շարունակական բնույթ՝ նպատակ ունենալով տեղում գնահատել իրավիճակը և խթանել մարդու իրավունքների պաշտպանության արդյունավետ մեխանիզմների զարգացումը։
Հայաստանում ԱՄՆ դեսպանատունը զգուշացնում է
Աջակցությունը կազմում է 50%՝ առավելագույնը 1-1.5 մլն դրամ՝ կախված սերտիֆիկատի տեսակից․ Գևորգ Պապոյան...
Երիտասարդը իրավապահներից փախչելիս ընկել է Հրազդանի կիրճի ջրատարը
«Նոայի» դարպասապահը նվաճել է ֆուտբոլի աշխարհի առաջնության (Մունդիալի) ուղեգիր
Ինչու Սպերցյանը չտեղափոխվեց Պորտու
Հայտնի են «Հայկական համադպրոցական գիտության փառատոն-2026»-ի եզրափակիչ փուլի մրցանակակիրները
Ծանր վիրավորվել է Իրանի կողմից ԱՄՆ-ի հետ բանակցողը
Պատերազմի ավարտից հետո Հորմուզի նեղուցն ինքնըստինքյան կբացվի. Թրամփ
Հայաստանն ու Ռուսաստանը պայմանավորվել են շարունակել քննարկումները հայկական երկաթուղու կոնցեսիոն կառա...
Թրամփը հերթական անգամ թիրախավորել է Մակրոնին՝ հեգնանքով խոսելով նրա անձնական կյանքի մասին