Մագնուս Բրունները Պարեկային ծառայության և Օպերատիվ կառավարման կենտրոնի համալիրում ծանոթացել է ստորաբաժանումների գործունեությանը
ԵՄ ներքին գործերի և միգրացիայի հարցերով հանձնակատար Մագնուս Բրունները մարտի 12-ին, ՆԳ նախարարի տեղակալ Արմեն Ղազարյանի ուղեկցությամբ, այցելել է ՆԳՆ ոստիկանության պարեկային ծառայության և Օպերատիվ կառավարման կենտրոնի վարչական համալիր:
Մագնուս Բրունները շրջել է համալիրի տարածքում, ծանոթացել Օպերատիվ կառավարման կենտրոնի և Պարեկային ծառայության վարչակազմի շենքային պայմաններին և ենթակա ստորաբաժանումների գործունեությանը։ Օպերատիվ կառավարման կենտրոնում ներկայացվել է նոր գործարկված եվրոպական ստանդարտով 112 զանգերի կառավարման կենտրոնը, որը միավորել է Փրկարար ծառայության և Ոստիկանության զանգերը։
ԵՄ ներքին գործերի և միգրացիայի հարցերով հանձնակատարին է ներկայացվել քաղաքացիների ընդունելության, վարչական վարույթների իրականացման և բողոքների քննության բաժինների գործունեությունը:
Մագնուս Բրունները համալիրի զինանոցում, հրաձգարանում և մարզասրահում ծանոթացել է պարեկային ծառայողների ֆիզիկական և մարտական պատրաստականության համար ստեղծված պայմաններին, ինչպես նաև Երևանի գնդի ծառայողական էլեկտրամոբիլների տեխնիկական հագեցվածությանն ու հնարավորություններին։
Հիշեցնենք՝ ՆԳՆ ոստիկանության պարեկային ծառայության և օպերատիվ կառավարման կենտրոնի համալիրը գործարկվել է ՀՀ կառավարության, ԵՄ և ԱՄՆ գործընկերների համատեղ ջանքերով։
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...
ԲՀԿ-ն դիմել է ՍԴ՝ վիճարկելու ընտրությունների արդյունքները